Մենք կանգնելու ենք Զվարթնոց Օդանավակայում և ապահովելու ենք Վարդան Ղուկասյանի մուտքը Հայաստան. մենք միայն նրան ենք հավատում ու վստահում. Վ. Ղուկասյանի համակիրներ

«Մեզ բոլորիս նման հնարավորություն էլ չի ընձեռնվի քան այսօր, մեզանից յուրաքանչյուրի պարտքն է .թե՛ իր, և թե՛ ազգի առաջ պատրաստվել համախմբվելու և միասնական ուժերով դուրս գալ վերջնական պայքարի և վերջը դնելու այս ազգադավների «հաղթարշավին»:

Մենք մեր հույսը կապում ենք մեր սիրելի, վստահելի, ուժեղ ու կամային, անվերջ պայքարող տեսակ Վարդան Ղուկասյանի հետ:

Մեզ համար նա է այն միակ մարդը, ով կկարողանա իսկապես երկիրը ազատել նախկին-ներկա թալանչիներից՝վերջ տալով այս ամենաթողությանն ու անպատժելիության մթնոլորտին: Ղուկասյանին հավատում ենք, ու լինելու ենք նրա կողքին, նա այն ազնիվ ու ժողովրդի ծոցից դուրս եկած մարդն է, ով տեսել ու սեփական մաշկի վրա զգացել է երեսուն տարի շարունակ մեզ կեղեքողների իրական դեմքերը։

Հավատում ենք, որ Ղուկասյանը մի նոր լույս կբացի հայի ու Հայաստանի համար»,-NewsMedia.am-ի հետ զրույցում բարձրաձայնում էին հանուն Վարդան Ղուկասյանի անգամ հեռավոր մարզերից Երեւան հասած քաղաքացիները, ովքեր անհամբեր սպասում էին «Հանրային ձայն» կուսակցության հիմանդիր Վարդան Ղուկասյանի հետ՝ուղիղ եթերի ֆորմատով կայանալիք հանդիպմանը:

Ի դեպ, նշենք, որ «Հանրային Ձայն» կուսակցության անդրանիկ համագումարին մասնակցում էին ինչպես քաղաքական, այնպես իրավապաշտպան ոլորտի վառ ներկայացուցիչներ, ովքեր եկել էին հավատով, որ Վարդան Ղուկասյանն է այն անձը, ով ի վիճակի է երկիրը վերջնական փրկել կործանումից. «Մեր բոլորիս նմատակն է` այսօրվա ազգադավ իշխանություններից ազատվելը, իսկ այդ ամենին հասնելու ճանապարհին միակ փրկող օղակը Վարդան Ղուկասյանն է, ով իր հանրային ձայնով ապացուցել է, որ ժողովրդի ձայն է ամենակարեւորը։ Շնորհակալ ենք պարոն Ղուկասյանին, ով ստանձնել է հայ ժողովրդին այս ճահճից հանելու պատասխանատվությունը։

Միակ մարդն է պարոն Ղուկասյանը, ում խոսքին հավատում ենք՝ առանց վարանելու։ Մենք Վարդան Ղուկասյանի կողքին ենք, որովհետեւ տեսել ենք ու զգացել ենք, որ Վարդան Ղուկասյանը մշտապես տեր է իր խոսքին, հայրենասեր, հայի ցավով ու ու հոգսով ապրող մարդ է,անողոք պայքար է տալիս՝ բոլոր ճակատներում, եւ պատկերացնում ե՞ք, թե ինչ կանի ինչ կերպ արմատախիլ կանի էն բորենիներին, որոնց դեմ նիկոլներն իբր եկել էին պայքարելու:

Այո Վարդան Ղուկասյանը ունի էդ կամային հատկանիշները, որ պետական լծակներ ունենալու դեպքում՝ սրանց բոլորին կճանապարհի իրենց արժանի հասցեով, ու հավատում ենք, որ մեր երկրում իրապես կլինի արդարադատություն:

Էսօր էլ ի՞նչ նիկոլ, ի՞նչ ընդդիմություն, ի՞նչ նախկին-ներկաներ. Էսօր կա Վարդան Ղուկասյանի Ձայն, եւ Հանրային Ձայն, որը բոլորիս ձայնն է:Դե թող նիկոլի ձայնը հասներ Սոլովյովների տաղավար. ո՞ւմ Ձայնը հասավ կրեմլի տղավարաներ՝ իհարկե մեր Սիրելի Վարդան Ղուկասյանի: Մենք գալու ենք՝ էս բոլորովս կանգնելու ենք Զվարթնոց օդանավակայանի առաջ , փակելու ենք բոլոր ճանապարհները, ապահովելու ենք մեր Վարդան Ղուկասյանի անվտանգությունը՝ բոլոր հրեշներից ում դեմ նա պայքարել ու շարունակում է պայքարել, որպեսզի մեր Վարդան Ղուկասյանը վերջապես գա Հայաստան, եւ առաջնորդի մեզ:

Մենք դա ենք ուզում, եւ էդ ճանապարհին պայքարելու ենք էնքան ժամանակ, մինչեւ որ մեր Ղուկասյանը կհասնի մեզ: Նա հեռվից անգամ. Ֆիզիկապես չգտնվելով Հայաստանում, էսքան բան ա անում երկրի համար, նիկոլի փոխարեն աշխատացնում է կառավարությանը…

Դուք պատկերացնում ե՞ք՝եթե նա արդեն ի պաշտոնե հայտնվի ճիշտ իր տեղում՝ինչ կանի», այս մասին պնդում էին «Հանրային Ձայն» կուսակցության պատվավոր նախագահ Վարդան Ղուկասյանի համակիրները , ու պնդում, որ. «Չի քննարկվում՝ մեր Ղուկասյանը պիտի ետ գա, եւ իր Հային ու Հայաստանին դուրս բերի էս ճահճից: Միակ մարդն է, ով ժողովրդին չի վերաբերում, որպես մանրադրամի, հավատում ենք պարոն Ղուկասյանին ու նրա հիմնած կուսակցությանը. մենք նրա կողքին ենք»:

Կարեւորենք, որ հիմնադիր համագումարին լեփ-լեցուն դահլիճում ներկա էին «Բարեպաշտ սերունդ» հիմնադրամի տնօրեն Վահրամ Մկրտչյանիը, գրող, հրապարակախոս Ռուզան Ասատրյանը, «Բաց TV» հաղորդաշարի հեղինակ եւ վարող Համլետ Ղուշչյանը, «Եզդիների տուն» նախաձեռնության ղեկավար, իրավապաշտպան Այսեր Իսայանը, փաստաբան Արսեն Մկրտչյանը, Քաղաքագետների միության նախագահ Հմայակ Հովհաննիսյանը, «Վելես» իրավապաշտպան կազմակերպության նախագահ Մարինա Պողոսյանը եւ այլոք:

Հատուկ համագումարին մասնակցելու համար Հայաստան էին ժամանել նաեւ սփյուռքում ապրող մեր հայրենակիցներ, ովքեր եկել էին հատուկ իրենց երախտիքի խոսքը հայտնելու պարոն Ղուկասյանին, ու նաեւ իրավապաշտպան, կուսակցության համահիմնադիր Արտակ Գալստյանին՝ նման ծանր բեռի տակ մտնելու, եւ այս բարդ ժամանակաշրջանում իրենց ուսերին մեծ պատասխանատվություն վերցնելու համար:

Նշենք նաեւ , որ Տեսակամուրջի միջոցով Վարդան Ղուկասյանն իր խոսքում նախ անդրադարձավ Բերձորում առկա իրավիճակին, բանակին, կրթությանը, երկիրը կործանման հասցրած նախկին-ներկաներին, վստահեցնելով ներկաներին, որ անելու է հնարավորն ու անհնարը, որպեսզի բոլորը պատասխան տան ու հայտնվեն ճաղերի հետեւում։

Պարոն Ղուկասյանը անդրադարձավ նաեւ ցմահ դատապարտյալներին, որրոնց մեծ մասը ճաղերի հետեւում են հայտնվել հանիրավի։

Ամփոփելով խոսքը պարոն Ղուկասյանը անդրադարձավ թիրախային կետերին փաստելով, որ «Հանրային ձայնը» իր կանոնադրության մեջ ամրագրել է՝ պետական անվտանգության ապահովումը, արդյունավետ կառավարման մոդելի ներդրումը, ներքաղաքական կայունության հաստատումը, ժողովրդավարական ինստիտուտների եւ քաղաքական համակարգերի կայացման աջակցությունը, ընտրական համակարգերի կատարելագործում, հայի ազգային ինքնության պահպանմանն ուղղված ծրագրերի անցկացում, ՀՀ-ում քաղաքական, սոցիալական, տնտեսական եւ իրավական կառուցակարգերի կատարելագործում, կոռուպցիայի դեմ պայքար, հարկային վարչարարության թեթեւացում, եւ մի շարք այլ կարեւորագույն դրույթներ եւ ծրագրեր:

Համագումարի ավարտին մի շարք քաղաքացիներ մոտեցան եւ տեսակապի միջոցով շփվեցին Վարդան Ղուկասյանի հետ, եւ երախտիքի խոսքերին զուգահեռ ներկայացրեցին նաեւ իրենց խնդիրները, ասելով որ իրենց հավատը հույսը՝Ղուկասյանի վերադարձն է, եւ վերջ: