Ես Սաքունցին հարց հղեցի՝ Սաքունց, դու թուրքից փող ստացե՞լ ես, թե՞ չէ, բոլորդ ականատես եղաք, որ նա գլուխը կախեց և ձայնը կտրեց. Նարեկ Մալյան

Դատական նիստի ժամանակ ես Սաքունցի երեսին նայելով հարց հղեցի՝ Սաքո՛ւնց, դու թուրքից փող ստացե՞լ ես, թե՞ չէ։ Բոլորդ ականատես եղաք, որ նա գլուխը կախեց և ձայնը կտրեց։ Հետևությունները թողնում եմ ձեզ։ Այս մասին լրագրողների հետ զրույցում «Վետօ» նախաձեռնության ղեկավար Նարեկ Մալյանը։

Նրա խոսքով՝ գրասենյակը, ուր աշխատում է Սաքունցը, օֆշորային է։ Փաստաբան Տիգրան Աթանեսյանը դա բացահայտել և հրապարակել է։

«Թաքուն փողեր են գալիս Հայաստան։ Այսինքն՝ թաքուն, անհայտ տեղերից փողեր են գալիս են և մտնում սաքունցների գրպանը։ Ես այդ հարցը հղեցի, իսկ Սաքունցը չպատասխանեց և խնդրեց այդ հարցը հանել։ Եթե մաքուր ես, ապա ի՞նչ ունես վախենալու։ Եթե դու ազգի դավաճան չես, եթե թուրքից բան չես վերցրել, ապա ինչո՞ւ պիտի վախենաս, որ ազգի դավաճանին պիտի տապչկով սատկացնեն»,- նշեց Մալյանը։

Մալյանի պնդմամբ՝ նրան ուղարկում են և տասնյակ հայերի նկատմամբ բողոքներ է ներկայացրել։ 37 թվավականի պես, երբ գնում ու բողոքում էին մարդկանց դեմ և այնքան էին բողոքում, որ տանում և աքսորում էին։ 

«Եթե Սաքունցը 37 թվականին ծնված լիներ, բռնադատվածների թիվը 2 միլիոնից ավելի կլիներ։ Ես դա ձեզ հաստատ եմ ասում։ Բոլորի վրա հանցագործության մասին հաղորդում կտար»,- նշեց Մալյանը՝ հավելելով, որ նման մարդկանց որքան ստորացնում ու թքում են վրաները, այնքան նրանց փողերը շատանում են։