Ի՞նչ ունեցվածքով է պաշտոնից հեռանում Արթուր Դավթյանը. 168.am

12 հազար քառակուսի կիլոմետր տարածք ունեցող Արցախից ընդամենը 2500-ը
հայկական թողած ՀՀ իշխանությունների պաշտոնավարման ժամանակաշրջանում
պետական դավաճանին մահապատժի ենթարկելու առաջարկով հանդես եկած Գլխավոր
դատախազ Արթուր Դավթյանը Կոռուպցիայի կանխարգելման հանձաժողով է
ներկայացրել իր տարեկան հերթական ու այդ պաշտոնում, թերևս, վերջին
հայտարարագիրը։

Համադրելով Գլխավոր դատախազի պաշտոնում նշանակվելուց ի վեր Դավթյանի ներկայացրած հայտարարագրերը՝ արձանագրում են՝ 2016 թվականին այդ պաշտոնում ընտրվելուց հետո Դավթյանը հայտարարագրել է 44,969,189.0040 ՀՀ դրամ, երեք հողամաս և մեկ անհատական բնակելի տուն։

Ի դեպ, ըստ հայտարարագրի՝ 45 միլիոն դրամով կառուցված տան նկարները
տարածված են համացանցում. շատերին էր հետաքրքրում, թե ինչպես է կարողացել
45 միլիոն դրամով կառուցել մի տուն, որի արժեքը սկսվում է 500 հազար
դոլարից և հասնում մինչև 1 մլն դոլարի։

2016 թվականին Դավթյանը նաև բազմաբնակարան շենքում գտնվող մեկ բնակարան է
հայտարարագրել, որը հարկային տարվա վերջում օտարվել է 19,000,000.00
դրամով։
2017 թվականի հայտարարագրում այս պահին դեռևս ՀՀ գլխավոր դատախազը հայտարարագրել է անհատական բնակելի տուն՝ գնված 43 միլիոն դրամով, և մեկ հողամաս։
2017 թվականին հայտարարագրել է 15,809,013.00 դրամ աշխատավարձ։
2018 թվականին հայտարարագրել է 13,530,881.00 դրամ եկամուտ. ոչ շարժական, ոչ էլ անշարժ գույք այս հայտարարագրում չկա։
Բայց արդեն 2019 թվականի տարեկան հայտարարագրում Արթուր Դավթյանը հայտարարագրել է անհատական բնակելի տուն Աջափնյակ համայնքում՝ ներկայացված՝ որպես 2017 թվականի գնում։
2019 թվականի տարեկան հայտարարագրում Արթուր Դավթյանը հայտարարագրել է նաև երեք հողամաս՝ Շիրակի մարզի Հոռոմ գյուղում։

Դավթյանի բանկային հաշիվների մնացորդը կազմել է 5,812,364.00 դրամ։
2019 թվականի աշխատավարձ է հայտարարագրել երեք վայրից՝ Գլխավոր
դատախազությունից՝ 16,027,465.00 դրամ, Երևանի պետական համալսարանից՝
43,648.00 դրամ, ՀՀ Պետական եկամուտների կոմիտեից՝ 2,630,607.00 դրամ։
2020 թվականի տարեկան հայտարարագրում Արթուր Դավթյանը
հայտարարագրել է երկու անհատական բնակելի տուն, մեկը՝ Երևանի Աջափնյակ
համայնքում, մյուսը՝ Շիրակի մարզի Հոռոմ գյուղում, 3 հողամաս։ Բանկային
հաշվի մնացորդը կազմել է 7,641,162.00 հազար դրամ, կանխիկ գումար է
հայտարարագրել 5,100,000.00 դրամ և աշխատավարձ՝ 16,684,322.00՝ Գլխավոր
դատախազությունից, 118,970.00՝ Երևանի պետական համալսարանից, և
2,597,203.00՝ ՀՀ Պետական եկամուտների կոմիտեից։
Այս պաշտոնում իր վերջին՝ 2021-ի հայտարարագրում՝
Դավթյանը դարձյալ հայտարարագրել է երկու անհատական բնակելի տուն, մեկը՝
Երևանի Աջափնյակ համայնքում, մյուսը՝ Շիրակի մարզի Հոռոմ գյուղում, և 3
հողամաս։
Բանկային հաշվի մնացորդը կազմել է 17,979,291.00 ՀՀ դրամ և 77,713.00 դրամ և աշխատավարձ՝ 21,157,107.00 դրամ։
Փոխառու միջոցները կազմում են 22,530,568.00 ՀՀ դրամ։