Գիտե՞ք, թե ինչից են վախեցել ու օդը գաղջով լցրել հայ զինվորի հերոսական կադրերի «սլիվ»-ից հիստերիայի մեջ ընկած ճղճիմները... ափսոս էին տղերքը

Չէ՛, խելագարվել կարելի է՝ անընդհատ հանդիպելով ապուշ ու անհեթեթ հարցադրումների, թե «տեսնես այդ ո՞նց եղավ, որ ադրբեջանցիք սլիվ տվին...». կամ՝ «ինչի՞ են հենց հիմա շրջանառվում հայ զինվորի կադրերը...»...

Հիմա ասեմ՝

«Սլիվ» է եղել, որ վերջապես բոլորի ու հատկապես նման հարցադրում անողների ուղեղին հասնի մի քանի պարզ ճշմարտություն...

«Սլիվ» է եղել, որ հատկապես այդ հարցադրումներն անողները տեսնեն՝ հայն այնքան համարձակ ու քաջ է, որ 10 հոգու դեմ սպառնալիքով էր խոսում՝ առանց ընկճվելու...

«Սլիվ» է եղել, որ հասկանաք՝ ադրբեջանցին այնքան վախկոտ է, որ չնայած այդ պահին իրենց թվային գերակշռությանը՝ վախենալով փախչում էր հայի զենքից...

«Սլիվ» է եղել, որ ջոկեք՝ ձեզ մինչև հիմա կտերով են կերակրել, թե՝ մենք պարտվել ենք, որովհետև կռվող չկար, որ հասկանաք` ի վերջո, մեր տղերքը չեն փախել՝ կռվել են...

«Սլիվ» են տվել, որ նման տհաս ուղեղներին հասցնեն` հայի հայ տեսակին հաղթել չէր լինի, եթե հայի թուրք տեսակը չլիներ, եթե ձեր իշխանությունը թրքասեր չլիներ, եթե թրքասերները հայ ազգին չդավաճանեին...

Տարոն Անդրեասյանի կադրերի «սլիվ»-ից հիստերիայի մեջ ընկածներ, գոնե հասկանո՞ւմ եք, որ Տարոնի նման բազում քաջորդիներ առյուծի պես են կռվել, որ չեն վախեցել մահից ու պատրաստ են եղել մեռնել, ո՛չ թե գերի ընկնել թուրքին...

Հասկացե՛լ եք, դրա համար եք իրար խառնվել. վախենում եք, որ Տարոնների սխրանքի ներքո ձեր անարժան գոյը կստվերվի...

Հասկացե՛լ եք, թե որքան անարժան կյանքով եք ապրում...

Հասկացե՛լ եք, որ դուք ոչինչ եք՝ դատարկ տեղ, ճղճիմ ու էժան...

Չեմ դադարում կրկնելուց՝ ափսոս էին տղերքը, որ ձեր անարժան կյանքի համար ընկան կռվում...

Փառքով ընկան, բայց էլ չկան, իսկ ձեր նմանները, թյուրիմացաբար, շարունակելու են շնչել օդն ու այն լցնել գաղջով...

Արմինե Մկրտումյան