Հատուկ ռազմական գործողությունը կշարունակվի այնքան ժամանակ, քանի դեռ չեն իրականացվել ի սկզբանե դրված նպատակները. Պեսկովը խոսել է վերջին զարգացումներից

Ռուսաստանի Դաշնության նախագահի մամուլի քարտուղար Դմիտրի Պեսկովը ճեպազրույցի ժամանակ ասել է, թե արդյոք Վլադիմիր Պուտինը վստահում է երկրի ռազմական ղեկավարությանը։

Լրագրողի այն հարցին, թե ինչպես է ՌԴ նախագահը գնահատում ՌԴ ռազմական ղեկավարության գործողությունները՝ հաշվի առնելով Ուկրաինայի Զինված ուժերի հակահարձակումը, Պեսկովը պատասխանել է, որ «հատուկ ռազմական գործողությունը կշարունակվի այնքան ժամանակ, քանի դեռ չեն իրականացվել ի սկզբանե դրված նպատակները»,- ասել է ՌԴ նախագահի մամուլի քարտուղարը։

Պեսկովին նաև խնդրել են մեկնաբանել Կիևի հայտարարությունն Ուկրաինայի կարևոր ենթակառուցվածքին Ռուսաստանի կողմից հարվածների մասին, ինչպես նաև այն հարցին, թե արդյոք Ռուսաստանը նախատեսում է մոբիլիզացիա իրականացնել՝ կապված ուկրաինական զորքերի հակահարձակման մասին Կիևից ստացվող տեղեկությունների հետ։

«Այս երկու հարցերն էլ իմ իրավասության մեջ չեն, երկու հարցն էլ պաշտպանության նախարարության իրավասության մեջ է։ Թիրախներին հրթիռային հարվածների փաստերի, ինչպես նաև հրթիռային հարվածների արդյունքների մասին ամբողջ տեղեկատվությունը տրամադրում է իմ գործընկեր Կոնաշենկովը ճեպազրույցների ժամանակ։ Իրավիճակի ներկա վիճակի գնահատականները տալիս է կա՛մ պաշտպանության նախարարությունը, կա՛մ ինքը՝ գերագույն գլխավոր հրամանատարը»,- ասել է Պեսկովը։