Սյունիքում պատերազմ է սպասվում, թիրախ է նաև Վարդենիսը. Էդգար Ղազարյանը չի բացառում՝ պատերազմը կարող է սկսել առաջիկա օրերին (տեսանյութ)
Անվտանգային խնդիրների օրակարգն անցել է ամենօրյա փոփոխությունների ռեժիմի։ Այս մասին «Հայաստան և Արցախ. անվտանգային ահագնացող սպառնալիքներ» խորագրով քննարկման ժամանակ ասաց ՍԴ աշխատակազմի նախկին ղեկավար Էդգար Ղազարյանը։
Նա նկատեց, որ եթե դեռ մի քանի օր առաջ մեզ համար անվտանգության սպառնալիք էր Բերձորի պահպանումը, ապա այսօր Սյունիքն է վտանգված։
«Այսօր, երբ կրակոցներ են հնչում Կարմիր շուկայի ուղղությամբ, երբ Ադրբեջանը բավարար քանակությամբ կոնտինգենտ է կուտակել Քարվաճառի և Քաշաթաղի տարածքում, երբ օգոստոսի 31-ից առաջ Իլհամ Ալիևը պահանջեց հստակեցնել Զանգեզուրի միջանցքի կոնկրետ կոորդինատները, երբ օգոստոսի 31-ից հետո ԱԳՆ-ն տարակարծություն հայտնեց ձեռք բերված պայմանավորվածությունների նկատմամբ, արդեն նշանակում է, որ առաջիկայում պատերազմ է լինելու Սյունիքում»,- ասաց Ղազարյանը։
Նա հավելց նաև, որ հաշվի առնելով եղանակային պայմաններն ու նախորդ պատերազմի ժամանակահատվածը՝ չի բացառվում, որ պատերազ տեղի ունենա հենց առաջիկա օրերին։
«Պատերազմի թիրախ է դառնալու նաև Վարդենիսը։ Ես ասում եմ այն աշխարհագրական վայրերը, որոնք մինչև հիմա ասել է Իլհամ Ալիևը»,- նշեց Ղազարյանը։
Ըստ նրա՝ հայ ժողովրդի ամենամեծ թշնամին խաբեությամբ զավթել է երկիրն ու այն ծառայեցնում է թշնամու շահերին։ Էդգար Ղազինյանը դիմեց ԱԺ ընդդիմադիր պատգամավորներին՝ նշելով, որ այսօր նրանց խորհրդարան վերադառնալն անհրաժեշտություն է։
«Ձեր կարգավիճակը կարող է որոշիչ լինել, իմացեք, որ հասարակությունը կանգնած է լինելու ձեր կողքին»,- ասաց նա։
Մանրամասները՝ տեսանյութում
