«Թավշյա խունտայի» ներկայացուցիչ մարզպետն ու իր հարսն առաջարկում են իրենց ընդդիմադիր քաղաքացիներին, կենդանու նման, անզեն «քշել» առաջնագիծ

Շիրակի մարզպետ Նազելի Բաղդասարյանի եղբոր կինը՝ Անի Քոչարյանը, գրել է. «Գյումրիում մի խումբ դավաճան կենդանիներ գոռալով ու սիգնալներով շրջում են քաղաքում: Ինչի՞ ծնունդ են սրանք»: 

Նրա այս անկիրթ ու անտակտ վերաբերմունքը հասարակության նկատմամբ կիսել է նաև իր պաշտոնյա տալը՝ մարզպետ Բաղդասարյանը Փաշինյանի հրաժարականը պահանջող բազմահազար քաղաքացիների անվանել է «խունտա»:

Նա մասնավորապես նշել է. «Հասել են մեր տան մոտ, մարդ հավաքի էս խունտային ու դեպի Ջերմուկ քշի»:

Նրա հարսն էլ շարունակել է անտակտ զրույցը.  «Այո, պետք է սրանց առանց զենքի սահման ուղարկել»,- գրել է նա:

Իհարկե, կարելի էր խառնվել հարս ու տալ ընտանեկան զրույցին ու համապատասխան մեկնաբանություն թողնել, բայց հարկ չենք համարի իջնել իրեն ղեկավար երևակայող մի արարածի պլինտուզից ցածր մակարդակի, ով իր իսկ քաղաքի քաղաքացիներին (ովքեր, ի դեպ, դուրս են եկել երկիրը թուրքին հանձնող ներքին թշնամուն վռնդելու պահանջով), անվանում է խունտա, որին պետք է, իր բառերով, քշել...

Ասել է թե, մարզպետն իր ղեկավարած տեղանքում բնակվող մարդկանց կենդանու տեղ է դրել, որին կարելի է քշել:

Սա իր հերթին, մյուս կողմից էլ մակերեսորեն անդրադառնանք «խունտա» բառի նշանակությանը... 

Այն ծագում է իսպաներեն junta-ից, որը բառացի նշանակում է ժողով, ժողովրդական ժողով: Սակայն այս բառը փոխել է իր նշանակությունը. խունտան հասկացվում է զինվորականների խումբ, որն իշխանության է եկել բռնի ճանապարհով իրականացված հեղաշրջման արդյունքում և որպես կանոն իրականացնում է բռնապետական կառավարում...  

Այս նկարագիրն ավելի շատ համընկնում է գործող իշխանության գործելաոճին, սակայն իրենք դա ոչ միայն չեն ընդունում, այլ հավատում են ու մյուսներին համոզում, թե իբր իրենք իշխանության են եկել «թավշյա» հեղափոխությամբ...

Այս տրամաբանության մեջ կարելի է ասել, որ հայ հասարակությունը գործ ունի «թավշյա խունտայի» հետ, որին օր առաջ իշխանությունից հեռացնելը ազգի գոյության հարցն է:

Արմինե Մկրտումյան