Այսօրվա Եռաբլուրի վայրագությունը սնողը, վճարողը, կաշառողն ու կազմակերպողը մենք ենք. Վլադիմիր Մարտիրոսյան

«Մեկ Հայաստան» կուսակցության փոխնախագահ, քաղաքագետ Վլադիմիր Մարտիրոսյանի ֆեյսբուքյան իր էջում գրել է. 

«Զարմանում եք, հայհոյում եք, ցնդվում եք տեսածից, թե ինչպես կարող է ոստիկանությունը էդքան բիրտ լինել զոհվածների ծնողների նկատմամբ ու ուժով հեռացնել նրանց Եռաբլուրից: 

Երբ մենք չենք զարմանում, հայհոյում և ցնդվում նրանից, որ մեր վճարած հարկերից իշխանությունը իր անվտանգության համար ստեղծել է բազմագույն բերետավորների խմբավորում, ֆիքսված աշխատավարձով և բացի դա հենց մեր փողերով նրանց տաս ամսվա ընթացքում փաստացի տվել է 22 մլն $ կաշառք, օրինաչափ է, որ նրանք պետք է այդ 22 մլն$ կաշառքը վայրագությամբ և հավատարմությամբ արդարացնեն: 

Երբ մենք չէինք զարմանում, հայհոյում ու ցնդվում նրանից, որ 22 մլն $ կաշառքի փոխարեն իշխանությունը պետք կահավորեր դիրքերը ժամանակակից բունկերներով ու կոմունիկացիաներով, իսկ դրա փոխարեն նույնիսկ խրամատներ չի փորել, ուրեմն 22 մլն$ կաշառքը սեփական անվտանգության ապահովման համար օրինաչափ է: 

Երբ մենք չէինք զարմանում, հայհոյում ու ցնդվում նրանից, որ 22 մլն $ կաշառք ստացած բազմագույն բերետավորներն իրենց հրամանատարներով ունեն մեկ առաքելություն՝ պահել այս իշխանության իշխանությունը, իսկ երեք հարյուրին մոտեցող զոհված 18-20 տարեկան զինվոր տղերքը այս երկրի սահմանները՝ նորից ամեն բան օրինաչափ է: 

Այսօրվա Եռաբլուրի վայրագությունը սնողը, վճարողը, կաշառողն ու կազմակերպողը մենք ենք: Մենք ենք զարմանքով, հայհոյանքով ու ցնդվելով վճարել 22մլն $ կաշառք ոստիկանությանը, որ իշխանությունը եռաբլուրում մեկ անվտանգ լուսանկար ունենա»: