Ինչո՞ւ է 6-րդ դասարանից հանվել «Հայոց պատմություն»-ը և փոխարենը մտցվել կասկածելի՝ «Ես ու իմ աշխարհը»․ Տավուշում փորձնական ծրագիր է իրականացվում (տեսանյութ)

«Հայաստան» խմբակցության պատգամավոր Գեղամ Նազարյանը կոչ է անում լինել Տավուշի մարզում ու հետաքրքրվել ԿԳՄՍ ներկայացրած դպրոցներում իրականացվող կրթական ծրագրով։

Գեղամ Նազարյանը, ԱԺ-ում լրագրողների հետ զրույցի ժամանակ նշեց, որ ՔՊ-ն 2 րոպեում անցկացրեց ծրագրեր, որոնք անընդունելի են։ Այդ թվում նաև կրթական ոլորտի փոփոխություններին վերաբերող ծրագիրը։

«Ես կոչ եմ անում այս վարչախմբին հարցնել, թե ինչո՞ւ է 6-րդ դասարանից հանվել Հայոց պատմություն առարկան և դրա փոխարեն մտցվել կասկածելի՝ «Ես ու իմ աշխարհը» անունով առարկան՝ խայտառակ բովանդակությամբ»,- ասաց Նազարյանը։

Պատգամավորի գնահատմամբ, փոփոխությունների միակ նպատակը Թուրքիայի և Ադրբեջանի մշակույթի նկատմամբ դպրոցում սեր քարոզելն է:

Լրագրողի հարցին, թե ինչո՞ւ քննարկման ժամանակ այդ հարցը չեն բարձրացրել, Գեղամ Նազարյանը նկատեց, որ սահմանային վերջին դաժան դեպքերից հետո, այդ մասին հայտարարությունների ժամին հանդես գալը «ոչ ադեկվատ» կլիներ:

Դա իր հերթին։ Մյուս կողմից էլ պատգամավորը նկատում է, որ անգամ քննարկումներին մասնակցելն արդյունք չի տալիս, քանի որ ՔՊ-ն, իր բավարար քվեով, միաձայն անցկացնում է բոլոր նախագծերը, ինչպես արվեց այսօրվա նիստում:

Ներկայացնելով «Հայաստան» խմբակցության աշխատանքը՝ պատգամավորն ասաց. «Խմբակցությունում նիստ է գումարվել և որոշում է կայացվել ճնշում գործադրել բոլոր դիվանագիտական ներկայացուցչությունների վրա, որպեսզի նավթն ավելի վեր չդասեն համամարդկային արժեքներից, որդեգրած մարդասիրական սկզբունքներից»:

Մանրամասները՝ տեսանյութում