«Զիջեցինք Արցախը՝ զիջելու ենք Մեղրին ու հետո Երևանը»... Արարատ Միրզոյանի արխիվային գրառումը (լուսանկար)

Դեռ 2020 թվականին, այն ժամանակ Ազգային ժողովի նախագահ, այսօր արդեն Արտաքին գործերի նախարար դարձած Արարատ Միրզոյանը վստահ էր ու ճիշտ, երբ ասում էր, որ սեպտեմբերի 27-ին սկիզբ առած պատերազմը ոչ թե տարածքային է, այլ ուղղված է հայ ազգի բնաջնջմանը...

Նա այն ժամանակ հասկանում էր (կամ գոնե ցույց էր տալիս, թե հասկանում է), որ «զիջեցինք Արցախը՝ զիջելու ենք Մեղրին ու հետո Երևանը»...

Միրզոյանն այդ մասին գրառում է արել 44-օրյա պատերազմի օրերին. հետաքրքիր է՝ հավատո՞ւմ էր ինքն իր գրածին, թե՞ գրել էր պահի ազդեցության ներքո՝ մոռանալով, որ իշխանության մաս է կազմում, այլ ոչ թե շարքային ընդդիմադիր է...

Համենայն դեպս, նա շատ արագ մոռացավ այդ մասին ու փոխեց տեսակետը: Կամ, ավելի ճիշտ, նոյեմբերի 9-ի չարաբաստիկ պայմանագրից հետո, ԱԺ դիմաց «չբացահայտված պայմաններում» կազմակերպված «ծեծ կերավ» ու կտրեց ձայնը...

Դրանից հետո էր, որ Արարատ Միրզոյանը նոր պաշտոն ստացավ ու, Նիկոլ Փաշինյանի նման, սկսեց կրկնել՝ իրեն համոզելով, մեզ վստահեցնելով, թե իբր Թուրքիան նախապայմաններ չի դնում Հայաստանի առաջ ու «հայ-թուրքական հարաբերությունների կարգավորումն առանց նախապայմանների է»...

Երկրի արտաքին գործերը ներկայացնող նախարարը հազիվ թե չիմանար, թե որն է Թուրքիայի պայմանը.. 

Իհարկե, Թուրքիայի նախագահ Ռեջեփ Թայիփ Էրդողանը Պրահայի հանդիպումից հետո հայտարարեց, թե «նախապայմաններ չունենք. ուղղակի ասում ենք՝ խաղաղության պայմանագիր կնքեք Ադրբեջանի հետ և մենք կբացենք Հայաստանի հետ սահմանը»՝ այդպիսով նախապայման դնելով:

Սակայն հարկ է նկատել, որ Էրդողանը կարող է դա ասել, որովհետև թուրք է։ Նրա նշած «ուղղակի խաղաղության պայմանագիր»-ն ինքնին նշանակում է, որ Թուրքիան ներկայացնում է Ադրբեջանի շահը և պահանջում ոչ միայն Արցախի ճանաչում Ադրբեջանի կազմում, այլև «Զանգեզուրի միջանցքի» տրամադրում... իսկ հետո արդեն ակնհայտ է, որ սա էլ իր հերթին նշանակում է, որ Արարատ Միրզոյանի «մտավախությունը» կատարվում է՝ «զիջելով Արցախը՝ զիջում ենք Մեղրին ու Երևանը»... այլ կերպ ասած՝ բնաջնջումից 5 պակաս է... ինչը ձեռնտու է Ադրբեջանին ու Թուրքիային։

Սակայն հարկ է նկատել, որ եթե Թուրքիայի ու Ադրբեջանի նախագահները կարող են հայտարարել, թե նախապայմաններ չկան և շարունակեն թվարկել իրենց «ուղղակի»-ները, քանի որ դա իրենց շահից է բխում, ապա Հայաստանի իշխանությունի դեպքում, անհասկանալի է, թե նման թրքասիրությունն ում շահից է բխում...

Միրզոյանը, Փաշինյանի նման, սկսել է խոսել թուրք ղեկավարների կողմից ու նրանց համար ականջահաճո հայտարարություններ անել՝ ռետինը ձեռքին ջնջելով Հայատանի ու Արցախի քարտեզը և այդտեղ բնակվող ազգին, որ հայ են անվանում...

Արմինե Մկրտումյան