Բնության հատուկ պահպանվող տարածքների օրվա առթիվ «Արգելոցապարկային համալիր» ՊՈԱԿ-ը միջոցառում է կազմակերպել

Բնության հատուկ պահպանվող տարածքների օրվա առթիվ ՀՀ Շրջակա միջավայրի նախարարության «Արգելոցապարկային համալիր» ՊՈԱԿ-ի տնօրեն Լևոն Գաբրիելյանը հատուկ միջոցառում էր կազմակերպել՝ խրախուսելու համար ՊՈԱԿ-ի ենթակայության տակ գործող բնապահպանական հիմնարկների աշխատակիցներին:

Լևոն Գաբրիելյանի խոսքով՝ նմանօրինակ վերաբերմունքն ամենաքիչն է, որ իրենք կարող են ցուցաբերել աշխատակիցներին։

«Նրանց ամենօրյա, քրտնաջան աշխատանքի շնորհիվ է, որ մեր շրջակա միջավայրը դառնում է առավել զարգացած ու առավել պահպանված, նրանց շնորհիվ է, որ մեր ՊՈԱԿ-ի ենթակայության տակ գործող արգելավայերերն ու զբոսայգիները գտնվում են ամենօրյա հոգատար խնամքի ներքո, ես, իրապես, անչափ շնորհակալ եմ և երախտապարտ բնապահպան նվիրյալ-մասնագետներին»,-լրագրողների հետ զրույցում նշել է Լևոն Գաբրելյանը։

«Արգելոցապարկային համալիր» ՊՈԱԿ-ի մեջ ընդգրկված են՝ «Էրեբունի» պետական արգելոցը, «Ջրվեժ» անտառպարկը, «Որդան կարմիր» պետական արգելավայրը, «Ջերմուկի ջրաբանական» պետական արգելավայրը, «Հանքավանի ջրաբանական» պետական արգելավայրը, Վանաձորի «Ժ․Սարուխանյանի անվան դենդրոպարկը», Ստեփանավանի «Սոոճուտ» դոնդրոպարկը, Իջևանի «Դենդրոպարկ»-ը, Բերդի «Սորաններ» դենդրոպարկը, «Զիկատար» պետական արգելավայրը։

Նշենք, որ Հայաստանում Բնության հատուկ պահպանության տարածքներ են համարվում՝ պետական արգելոցները, ազգային պարկերը, պետական արգելավայրերը, բնության հուշարձանները։