Ուկրաինան Իրանին ագրեսոր է անվանել

Ուկրաինայի ԱԳՆ-ն Իրանին անվանել է ռուսական ագրեսիայի մեղսակից` կամիկաձե անօդաչու սարքերի հարձակումներից հետո, ասվում է նախարարության կայքում հրապարակված հաղորդագրության մեջ։

«Միայն վերջին շաբաթվա ընթացքում Ռուսաստանի Դաշնությունը իրանական կամիկաձե անօդաչու սարքերով հարյուրից ավելի հարվածներ է հասցրել Ուկրաինայի մի շարք քաղաքների բնակելի շենքերին, էլեկտրակայաններին, կոյուղու մաքրման կայաններին, կամուրջներին և խաղահրապարակներին։ Զոհվել և վիրավորվել են տասնյակ մարդիկ, այդ թվում՝ երեխաներ։ Վնասվել է Ուկրաինայի էներգետիկ ենթակառուցվածքների մեկ երրորդը։ Կիևում երկու դիվանագիտական ​​հաստատությունների շենքեր են վնասվել։

Ուկրաինայում նվաճողական պատերազմ վարելու և ուկրաինացի քաղաքացիների սպանության համար զենք տրամադրելը Իրանին դարձնում է մեղսակից ագրեսիայի, ռազմական հանցագործությունների և Ուկրաինայի դեմ Ռուսաստանի կողմից իրականացվող ահաբեկչական գործողությունների մեջ։

Մենք կոչ ենք անում Թեհրանին անհապաղ դադարեցնել ցանկացած զենքի մատակարարումը Ռուսաստան։Հակառակ դեպքում Իրանը և նրա ղեկավարությունը կկրեն ամենածանր պատասխանատվությունը, այդ թվում՝ Ուկրաինայի դեմ Ռուսաստանի հանցագործությունների միջազգային դատավարությունների շրջանակներում,–ասվում է Ուկրաինայի ԱԳՆ հայտարարության մեջ։