Ծանրորդ Մնացական Աբրահամյանը դարձել է Եվրոպայի առաջնության բրոնզե մեդալակիր

Ծանրորդ Մնացական Աբրահամյանն Ալբանիայի Դյուրես քաղաքում ընթացող Մ20 տարեկանների Եվրոպայի առաջնությունում երկամարտի 232 կգ արդյունքով դարձել է բրոնզե մեդալակիր և կանգնել պատվո հարթակի երրորդ աստիճանին, հայտնում են ՀՀ ԿԳՄՍ նախարարությունից։

Պոկում վարժությունից հետո Աբրահամյանը միայն 5-րդ տեղն է զբաղեցրել, բայց ավելի հաջող է հանդես եկել հրում վարժությունում և գլխավերևում պահելով 180 կգ ծանրաձողը՝ նաև փոքր արծաթե մեդալ նվաճել։

Ծանրամարտիկ Գոռ Մինասյանը դարձել է Ասիայի չեմպիոն ու ռեկորդակիր

Նշենք՝ Մ23 տարեկանների պայքարում երեկ Արմեն Գրիգորյանը երկամարտի 306 կգ արդյունքով զբաղեցրել է 4-րդ հորիզոնականը։ 73 կգ քաշայինների պայքարում Գրիգորյանը պոկում վարժությունն ավարտել է 140 կգ արդյունքով, իսկ հրում վարժությունում գլխավերևում պահել է 166 կգ ծանրաձողը։

Հայաստանի Մ20 տարեկանների հավաքականի կազմում ավելի վաղ ոսկե մեդալ էր նվաճել Գոռ Սահակյանը (67 կգ), երկամարտի բրոնզե մեդալին արժանացել էր Ռաֆիկ Մինասյանը (61 կգ)։