«Հայաստանի անվտանգությունը դիտարկում ենք որպես Իրանի անվտանգություն». Իրանի արտգործնախարար

Իրանի արտգործնախարար Հոսեյն Ամիր-Աբդոլլահյանն իր հայ գործընկերոջը՝ ՀՀ ԱԳ նախարար Արարատ Միրզոյանին ասել է, որ «Հայաստանի անվտանգությունը մենք դիտարկում ենք որպես Իրանի Իսլամական Հանրապետության և տարածաշրջանի անվտանգություն»։

Այս մասին գրում է mehrnews.com-ը:

Իրանի արտաքին գործերի նախարար Հոսեյն Ամիր-Աբդոլլահյանը հինգշաբթի Երևանում Հայաստանի արտաքին գործերի նախարարության համալիրում հանդիպել է Հայաստանի արտգործնախարար Արարատ Միրզոյանի հետ։

Ամիր-Աբդոլլահյանն ասել է. «Ես ուրախ եմ, որ այս այցի ընթացքում ականատես կլինենք Կապանում Իրանի գլխավոր հյուպատոսության վերաբացմանը»:

Նա հավելել է. «Այս զարգացումը Իրանի և Հայաստանի միջև պատմական հարաբերությունների խորության ևս մեկ նշան է։

Իրանցի նախարարը հայտարարել է. «Մենք հստակ հայտարարել ենք, որ դեմ ենք կովկասյան տարածաշրջանում սահմանների աշխարհաքաղաքական ցանկացած փոփոխությանը» և հավելել, որ  Ադրբեջանի և Հայաստանի միջև ռազմական հակամարտությունները մտահոգություններ են ստեղծել տարածաշրջանում։

«Մենք կարծում ենք, որ կովկասյան տարածաշրջանում երկրների տարածքային ամբողջականության հարգումը որպես սկզբունք պետք է լուրջ ուշադրություն դարձնել»,-ասել է Ամիր Աբդոլլահյանը:

Նա նշել է, որ Թեհրանի և Երևանի հարաբերությունները ճիշտ ուղու վրա են և առաջընթաց են ապրում:

«Հայաստանի անվտանգությունը մենք դիտարկում ենք որպես Իրանի Իսլամական Հանրապետության և տարածաշրջանի անվտանգություն։ Մենք հստակ հայտարարել ենք մեր անհանգստությունը տարածաշրջանում օտար ուժերի ներկայության պատճառ հանդիսացող ցանկացած գործողության վերաբերյալ»,- ընդգծել է Իրանի արտգործնախարարը: