Հայաստանում մեկնարկել է «գունավոր հեղափոխության» վերջին փուլը․ Շարմազանով

Հայաստան, թե էրմենիստան,սա է խնդիրը։

Հայաստանում մեկնարկել է «գունավոր հեղափոխության» վերջին փուլը, որն ունի, անշուշտ, արտաքին ակտորներ ու հովանավորներ։ Այս մասին ֆեսբուքի իր էջում գրել է ՀՀԿ ԳՄ անդամ Էդուարդ Շարմազանովը:

«Պատմությունը կրկնվում է։

Ինչպես և 100 տարի առաջ, այսօր էլ մենք չկարողացանք աշխարհաքաղաքական իրադրության հայանպաստ վերլուծություն անել։100 տարի առաջ էլ հույսներս դրեցինք Արևմուտքի վրա՝ չգիտակցելով, որ տարածաշրջանում երկու բանակ կա ՝ ռուսական և թուրքական։

Եվ մերժելով Ռուսաստանի հետ սերտ դաշինքի կնքումը՝ կանաչ լույս» վառեցինք թուրքական հարձակման ու նվաճումների համար։

Մեկ դար առաջ թուրք-ադրբեջանական տանդեմը,օգտվելով հայ-ռուսական բարդ հարաբերությունների առկայությունից, նվաճեց տարածքներ մեր ազգային շահերի հաշվին։

Նույնը կրկնվում է այսօր։

Կապիտուլյանտ իշխանությունը վերջին տարիներին ամեն ինչ արեց հայ-ռուսական դաշնակցային հարաբերությունները փչացնելու համար։ Իսկ վերջին երկու ամսվա ընթացքում իրականացրեց բացահայտ հակառուսական քարոզչություն։

Դրանից օգտվեցին թուրքերն ու ադրբեջանցիները.առաջինը օկուպացրեց Արցախի 75 տոկոսն ու ՀՀ տարածքի 127 քառ.կմ տարածք և ուղիղ սպառնալիք է արդեն ՀՀ-ի համար,իսկ երկրորդը՝ մտավ մեր տարածաշրջան ու ստիպում է կապիտուլյանտներից «խաղաղության հաշտություն» կնքել իր բոլոր աղետալի հետևանքներով։

Ինչ լուծման ուղիներ ունենք մենք։ Կամ այս իշխանությունները պետք է հեռանան և ազգային իշխանությունը Ռուսաստանի հետ երկարաժամկետ ռազմաքաղաքական դաշնակցություն է կնքում,կամ կապիտուլյանտները մնում են ու տարածաշրջանի «բանալիները» հանձնում Թուրքիային և ՆԱՏՕ-ին։

Պատրանք է, թե Արևմուտքը կգա մեզ «կփրկի»։

Կարծում եմ ,ինչպես և Վրաստանի դեպքում Արևմուտքը Հայատանը «նայողի» մանդատը կհանձնի թուրքերին։

Ես ընտրում եմ առանց թուրքերի տակ «կզելու»,Արցախն Ադրբեջանին չհանձնելու եւ ՌԴ-ի հետ արժանապատիվ ու փոխվստահելի դաշնակցությունը զարգացնելու ուղին,իսկ դու՞ք»: