ԿԲ-ն տարեվերջին նոր գնաճ է կանխատեսում

«Հիմա 9.9% Է գնաճը, և տարվա վերջում ակնկալում ենք 10 % գնաճ»։ Այս մասին ասուլիսի ժամանակ ասաց Կենտրոնական բանկի նախագահ Մարտին Գալստյանը։

Նրա խոսքով՝ դրամի փոխարժեքը տնտեսությունում տեղի ունեցող գործողությունների հետևանք է։

«Այսինքն՝ մենք ունենք միջազգային այցելուներ, որոնց՝ Հայաստան ժամանելու արդյունքում ունենք շատ մեծ արտաքին պահանջարկ»,- պարզաբանեց ԿԲ նախագահը։

Մարտին Գալստյանը նկատում է, որ մարդիկ, որոնք եկել են Հայաստան գործարարությամբ զբաղվելու, նրանց ծախսման ուղղությունն արժութային է։

«Իրենք մարում են իրենց մոտ եղած արտարժույթը՝ ձեռք բերելով հայկական դրամ»,-ասաց նա։

ԿԲ նախագահը խոսքով՝ երբ Հայաստանում առկա է լողացող փոխարժեք, ԿԲ-ն միջամտում է միայն այն դեպքում, երբ զգում է, որ շուկան, իր իսկ խոսքով, խեղաթյուրվում է:

Անդրադառնալով գնաճի դեմ պայքարի եղանակներին՝ նա նշեց, որ դրանցից մեկը տոկոսադրույքն է, մյուսը՝ փոխարժեքը, դրամի արժևորումը, որը բնական պրոցես է, օգնում է գնաճը որոշակիորոն զսպելուն։

«Եթե վերաֆինանսավորման տոկոսադրույքը համապատասխան չափով չբարձրացնեին և դրամն էլ այս չափով չարժևորվեր, ապա գլխավոր դրամատան գնահատականներով գնաճը Հայաստանում կլիներ առնվազմ 15 %-ի շրջակայքում»,- ասաց ԿԲ նախագահը։