Ինչո՞ւ է Նիկոլն այսօր ցուցադրական զբոսանքի դուրս եկել քաղաք. Կարեն Վրթանեսյան

Ինչո՞ւ է Նիկոլն այսօր ցուցադրական զբոսանքի դուրս եկել քաղաք: Այսպես է ֆեյսբուքյան գրառումը վերնագրել ռազմական փոորձագետ Կարեն Վրթանեսյանը:

Նա, մասնավորապես, նշել է.

«Շատ պարզ է. որովհետև փորձում է վաղվա հավաքին ընդառաջ թե՛ ժողովրդին, թե՛ արտաքին խաղացողներին ցույց տա, որ իր իշխանությունն անսասան է։ Ըստ էության, տեղեկատվական դաշտում նախահարձակ է լինում։ (Ճիշտ է, զբոսնում են շրջապատված հարյուրին մոտ թիկնապահներով, իսկ իրեն տեսած քաղաքացին էլ գոռում է դեմքին. «Դավաճա՛ն»)։

Նույն պատճառով էլ վաղը նախարարությունների աշխատողներին զանգվածաբար տանելու են քաղաքից դուրս ինչ-որ ծառատունկի, որ հանկարծ ինչ-որ մեկը չկարողանա մասնակցել վաղվա հավաքին։

Թվում է, թե պրիմիտիվ հնարքներն են, բայց հաշվի առնելով տեղեկատվական դաշտում Նիկոլի դոմինանտ դիրքերը, այս պրիմիտիվ հնարքներն էլ են որոշ չափով արդյունք տալու։

Բայց կարևորը դա չէ. կարևորը, որ հանրահավաքը ցանկացած դեպքում անհանգստացնում է Նիկոլին։ Ինչքան էլ դաշտ նետվեն քարոզչական կտեր, թե էդ ամեն ինչն անիմաստ է, «հոգնանք քայլելով» և այլն, իրականում լավ էլ իմաստալից է։

Ամենամեծ խնդիրն էլ այն է, որ հենց ընդդիմությունը չի կարողանում նույնիսկ իր աջակիցներին բացատրել այդ ցույցերի, ակցիաների իմաստը։

Երեկոյան կփորձեմ ուղիղ եթեր մտնել այս թեմայով, ինչքան խելքս կտրում է՝ պարզաբանել, թե ինչպես է այդ ամեն ինչն աշխատում...

ՀԳ. Նիկոլին «դավաճան» գոռալու դրվագի տեսագրության հղումը՝ այստեղ»։