Քյարամյան կոչված ոչնչությունը ստանձնել է Նիկոլի հանձնարարությունը կատարելու պարտականությունը. ինձ բերման ենթարկելը ժամերի հարց է. Արմեն Աշոտյան (տեսանյութ)

Քիչ առաջ տեղեկացրել էին, որ ՀՀԿ փոխնախագահ Արմեն Աշոտյանը ֆեյսբուքյան իր էջում գրել էր. «Մոտակա ժամանակահատվածում այս սրիկաները շատ զավեշտալի պատրվակով պլանավորում են ինձ ձերբակալել։ 21:30-ին այս էջում կլինեմ ուղիղ եթերում։

Միացե՛ք»,-գրել էր նա:

Եվ ահա րոպեներ անց արդեն ուղիղ եթերում Արմեն Աշոտյանը մանրամասնեց, որ իշխանությունները ՀՀ Քննչական կոմիտեի նախագահ Արգիշտի Քյարամյանի ձեռքով որոշել են նորից անդրադառնալ չորս տարվա վաղեմության մի գործի, որի շրջանակներում տարբեր մարդկանց են հարցաքննել, սակայն ապարդյուն։

«Այսպես ասած, անհայտ ծագման բանջարեղենը Նիկոլ Փաշինյանի հանձնարարությամբ վիզ ա առնում, որ Աշոտյանի դեմ գործ կսարքի։ Այդ սուբյեկտը, լինելով սուտ բարեպաշտ, ստանձնում է հերթական կեղտոտ առաքելությունը՝ կատարելու Նիկոլ Փաշինյանի նման ոչնչության նման հանձնարարականը»,- նշեց ՀՀԿ փոխնախագահը։

Աշոտյանի խոսքով՝ գործը տարբեր կառույցներով է անցնում և հասնում է Քննչական կոմիտեի «այսօրվա ոչնչության մոտ, նա էլ Նիկոլին զեկուցում է՝ այդ գործով դալշեն կտամ»։

Արմեն Աշոտյանը հավելեց, որ այս գործի մանրամասների մասին իր շահերը ներկայացնող փաստաբանը՝ Տիգրան Աթանեսյանը կանդրադառնա, երբ անհրաժեշտությունը լինի։

Ի դեպ, նա տեղեկացրեց, որ այսօր «Ընդդեմ Արցախի հանձնման» հանրահավաքի ժամանակ է տեղեկացել, որ գործով կա բերման ենթարկված՝ Բժշկական համալսարանի նախկին ռեկորը, յոթանասունամյա վաստակաշատ բժիշկ Միքայել Նարիմանյանը, որին չորս տարվա ընթացքում չեն կանչել հարցաքննության, որը հայտնի է որպես ՀՀ լավագույն թոքաբան, որպես Վեհափառի բժիշկ։

«Ակնհայտ է, որ եթե սրիկաները դիմել են նման աղաղակող ապուշությանը, ճանապարհ են բացում ինձ ձերբակալելու համար»,- ասաց Արմեն Աշոտյանը՝ նկատելով, որ իրեն բերման ենթարկելը գուցե թե ժամերի հարց է»,- ասաց նա։

Մանրամասները՝ տեսանյութում։