Եթե Ադրբեջանն իսկապես խաղաղություն է ուզում ու տրամադրված է խաղաղության՝ եկեք բացենք այդ հսկիչ անցագրային կետեը. Նիկոլ Փաշինյան

Հայաստանը պատրաստ է Ադրբեջանին թույլ տալ Հայաստանի ճանապարհներով կապ ստանալ Նախիջևանի ինքնավար Հանրապետության հետ։ Այս մասին այսօր՝ նոյեմբերի 10-ին, կառավարության նիստի ժամանակ հայտարարեց Նիկոլ Փաշինյանը՝ անդրադառնալով անդրադառնալով Ադրբեջանի նախագահի կողմից նոյեմբերի 8-ին Շուշիիում արած հայտարարություններին։

Վկայակոչելով ՀՀ կառավարության որոշման նախագիծը, Նիկոլ Փաշինյանը հիշեցրեց, որ դրանով առաջարկվում է Հայաստանի ու Ադրբեջանի միջև սահմանին հսկիչ անցագրային կետեր ստեղծել։

«Այդ որոշումը չի ընդունվում միայն մի պատճառով. Ադրբեջանը չի ուզում այդ ճանապարհը, սա նշանակում է, որ Հայաստանը լիարժեքորեն կատարում է իր պարտավորությունը ու Ադրբեջանն է, որ չի ցանկանում օգտվել ընձեռնված հնարավորությունից», - ասաց Փաշինյանը։

Նրա համար անհասկանալի է,Ադրբեջանը մերժողականությունը:

«Եթե Ադրբեջանն իսկապես խաղաղություն է ուզում ու տրամադրված է խաղաղության, եկեք, ուրեմն, բացենք այդ հսկիչ անցագրային կետեը, եկեք մարդկանց համար հնարավորություն ստեղծենք, պարզ է՝ նրանք սկզբից կտատանվեն, կմտածեն, բայց երբ համոզվեն մտադրությունների անկեղծության մեջ, թե Հայաստանի, թե Ադրբեջանի քաղաքացիները միանշանակորեն կսկսեն օգտվել տեղաշարժի այս նոր հնարավորությունից», - ասաց նա։

Փաշինյանը հայտարարեց, թե այս թեմայով պատրաստվում են նոր առաջարկ ներկայացնել Ադրբեջանին։

«Ընդ որում, մենք այս թեմայով ևս մեկ լրացուցիչ պահեստային առաջարկ ունենք», - ասաց նա։

Ինչ վերաբերում է նոր ճանապարհների կառուցմանը՝ Փաշինյանն ասաց, թե Հայաստանը նման պարտավորություն 2020 թվական նոյեմբերի 9-ի եռակողմ կամ որևէ այլ հայտարարությամբ չունի։