Նիկոլի բոցաշունչ ելույթն այն մասին էր, երբ լավ իմանալով՝ ինչ է լինելու, երեխայիդ գցում ես շնագայլի վանդակը. բա ի՞նչ էիր սպասում Ադրբեջանից. պատմագետ

Պատմագետ Վահե Սարգսյանն անդրադարձել է Նիկոլ Փաշինյանի այսօրվա` նոյեմբերի 10֊ի ելույթին։ Հիշեցնենք, որ կառավարության նիստի մեկնարկին արձագանքեց Ադրբեջանի նախագահ Իլհամ Ալիևի նոյեմբերի 8֊ի հայտարարությանը։

«Նիկոլի էսօրվա բոցաշունչ և «հակաադրբեջանական» ելույթը նման է նրան, երբ լավ իմանալով, թե ինչ է կատարվելու, երեխայիդ գցում ես շնագայլի (շակալի) վանդակը, հետո աղիողորմ բողոքում, թե՝ շակալը երեխայիս բզկտեց, և, եթե էսպես շարունակվի, նա վերջնականապես կհոշոտի երեխայիս: Էստեղ գիտե՞ք ինչն է գլխավոր ողբերգությունը, դա հանրության, այդ թվում՝ մեր և մեր շրջապատի առողջ դատող մարդկանց առաջին ռեակիցիան է խունտայի պարագլխի այսօրվա հայտարարությանը, թե՝ «բա ի՞նչ էիր սպասում Ադրբեջանից», «բա չգիտեի՞ր, որ պիտի ցեղասպանության ենթարկի արցախահայությանը», «ինչքա՞ն դուռակ պիտի լինի մարդ, որ հավատա Ադրբեջանի հետ հաշտությանը» և այլն, և այլն:

Գիտեք՝ մենք շարունակում ենք փրկել նիկոլին՝ նրան մերթ հռչակելով խաբված, մերթ ապուշ, մերթ դուռակ, մերթ հարիֆ և այլն, և այլն: Ասեմ՝ եթե որևէ մեկը մտածում է՝ նիկոլը չգիտեր, թե ինչ էր / է սպասվում արցախահայությանն՝ Արցախը Ադրբեջանին հանձնելուց հետո, կարճ ասած՝ եթե չգիտեր սպասվելիք ցեղասպանության մասին, ապա հենց այդ մեկը ինքն է կամ խաբված, կամ ապուշ, կամ դուռակ ու հարիֆ: իսկ իրականում՝ նիկոլն իր ազգակործան ու պետականակործան գործը փայլուն անում է՝ մերթ ներկայանալով ռուսամետ և Պուտինի պրոյեկտ, մերթ Պրագա - Միշելի պրոյեկտ, մերթ ուղիղ Էրդողան-Ալիևի կոշիկ լիզող, մերթ համարյա դաշնակցական (ինչպես էսօր)»: