Թոռնիկներս 1000 դրամ ծախսում են՝ շահում են 200-300 դրամ․ տեսնեք, թե չարաճճի աչքերը ոնց են փայլում․ Հովիկ Աղազարյան (տեսանյութ)
ՔՊ-ական Հովիկ Աղազարյան ԱԺ իր ելույթի ժամանակ պատմեց, թե ինչպես է թոռնիկերի հետ քայլել զբոսայգում, որտեղ տարբեր տիպի շահումներով խաղեր կան։
«Երեխեքը 1000 դրամ ծախսում են՝ շահում են 200-300 դրամ։ Տեսնեք, թե նրանց չարաճճի աչքերը ոնց են փայլում էդ շահումից։ Ասում եմ՝ տղա ջան, 1000 դրամ ծախսեցիր, 200 դրա՛մ շահեցիր, էդ շահում չի, քեզ խաբում են, ներգրավում են խաղամոլության մեջ»,- ասաց Աղազարյանը։
Նա նկատեց, որ իր թոռները լավ դաստիարակված, բարձր առաջադիմությամբ տղաներ են, բայց շահումից առաջացած նրանց աչքերի փայլը Հովիկ Աղազարյանը պատկերացնում է այն մարդկանց, ովքեր օրական 10 000 դրամ են ստանում ու տուն գնալիս ասում են՝ դնենք էդ 10 000 դրամը, որ ավելի շատ փող տուն տանենք և ամբողջը տանուլ են տալիս։
Աղազարյանն առաջիկայում հանդես կգա նախագծով՝ այս հարցը կարգավորելու համար։ Համենայնդեպս, նա այդպես խոստացավ։
