Արագածոտնի քրեական հետախույզները հայտնաբերել են թմրանյութ և կրակող սարք (տեսանյութ)

Ոստիկանության Արագածոտնի մարզային վարչության քրեական հետախույզները ապօրինի թմրանյութ պահելու և օգտագործելու վերաբերյալ ստացած օպերատիվ տեղեկությունն իրացրին Աշտարակի գործընկերների հետ:

Ոստիկանությունից հայտնում են, որ նոյեմբերի 14-ին մայրաքաղաքի Ազատության պողոտայում նրանք ձերբակալեցին Ապարան քաղաքի 41-ամյա, 37-ամյա և 31-ամյա երեք բնակչի: Անձնական խուզարկությամբ 37-ամյա տղամարդու մոտ հայտնաբերվեցին կանեփանման զանգվածով փաթեթներ ու կաթուցիչներ, իսկ պայուսակում հայտնաբերվեցին ինքնաշեն կրակող սարք, 4 փամփուշտ և մեկ ծալովի դանակ: Ըստ նրա` կանեփը վայրաճ թփերից քաղել ու պատրաստել էր իր օգտագործման համար, իսկ կրակող սարքը ձեռք էր բերել վերջին պատերազմի ընթացքում:

Բաժին տեղափոխված մյուս տղամարդկանց մոտ անօրինական ոչինչ չի հայտնաբերվել:

Նշանակվել են փորձաքննություններ, հանգամանքները պարզվում են: