Քաղաքապետին պատվիրակված լիազորությունների կատարման բյուջեն նվազեց 14,2 մլրդ դրամով

Երևանի քաղաքապետարանի ֆինանսական վարչությա պետ Վիլեն Արևշատյանը, զեկուցելով ավագանու 2021 թվականի դեկտեմբերի 28-ի N497-Ն որոշման մեջ փոփոխություններ կատարելու մասին նախագիծը, տեղեկացրեց, որ նրանով առաջրկվում է Երևան համայնքի 2022 թվականի բյուջեի եկամտային մասում՝ սուբվենցիաները ավելացնել՝ 450.0 հազ. դրամով և այն ուղղել ամառային զորակոչի շրջանակներում Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ում, «Երևանի կենդանաբանական այգի» ՀՈԱԿ-ում և «Թափառող կենդանիների վնասազերծման կենտրոն» ՀՈԱԿ-ում այլընտրանքային աշխատանքային ծառայության անցած թվով 3 այլընտրանքային աշխատանքային ծառայողների դրամական բավարարման գումարները վճարելուն:

«Նախագծով առաջրկվում է նաև պետության կողմից Երևանի քաղաքապետին պատվիրակված լիազորությունների կատարման բյուջեն նվազեցնել՝ 14,235,848.7 հազ. դրամով, որն արդեն, ըստ պետական հատվածի ավելացման կամ կրճատման նպատակայնության կարտացոլվի Երևան քաղաքի բյուջեի ծախսային մասում»,-հայտնեց Արևշատյանը:

Նախագծի հիմնավորման մեջ ներկայացված է ծախսերի պակասեցման ուղղությունները.

«− Ասիական բանկի աջակցությամբ իրականացվող քաղաքային ենթակառուցվածքների և քաղաքի կայուն զարգացման ներդրումային ծրագրերի (առաջին և երկրորդ) համար նախատեսված միջոցները ավելացնել 1,405,686.0 հազ. դրամով,

− Արևելյան Եվրոպայի էներգախնայողության և շրջակա միջավայրի գործընկերության տարածաշրջանային հիմնադրամի և Վերակառուցման և զարգացման եվրոպական բանկի աջակցությամբ իրականացվող Երևան քաղաքի հանրային տրանսպորտի նոր երթուղային ցանցի շարժակազմերի ներդրման ֆինանսական աջակցության վարկադրամաշնորհային ծրագրերի համար նախատեսված գումարները նվազեցնել 11,043,400.0 հազ. դրամով,

− Եվրոպական միության հարևանության ներդրումային ծրագրի, Եվրոպական ներդրումային բանկի և Վերակառուցման և զարգացման եվրոպական բանկի աջակցությամբ իրականացվող Երևանի մետրոպոլիտենի վերակառուցման երկրորդ վարկադրամաշնորհային ծրագրերի գումարները նվազեցնել 1,449,453.9 հազ. դրամով,

− Վերակառուցման և զարգացման եվրոպական բանկի, Եվրոպական ներդրումային բանկի, Եվրոպական միության հարևանության ներդրումային գործիքի և Արևելյան Եվրոպայի էներգախնայողության և բնապահպանական գործընկերության ֆոնդի աջակցությամբ իրականացվող «Երևանի կոշտ թափոնների կառավարման» վարկադրամաշնորհային ծրագրերի համար նախատեսված գումարները նվազեցնել 2,104,582.6 հազ. դրամով,

− Վերակառուցման և զարգացման եվրոպական բանկի, Արևելյան Եվրոպայի էներգախնայողության և բնապահպանական գործընկերության ֆոնդի աջակցությամբ իրականացվող «Երևանի քաղաքային լուսավորության» վարկադրամաշնորհային ծրագրերի համար նախատեսված գումարները նվազեցնել 1,044,098.2 հազ. դրամով»
Ֆինանսական վարչության պետը տեղեկացրեց, որ «Երևան, Վարշավա, Տիրանա մայրաքաղաքների համագործակցությունը վտանգավոր թափոնների կառավարմանն առնչվող ընդհանուր մարտահրավերների շուրջ աշխատանքների իրականացման» ծրագրի կատարման ընթացքով պայմանավորված առաջարկվում է նրա բյուջեն նվազնեց 1,008,205.3 հազար դրամով, որը կարտացոլվի Երևան քաղաքի բյուջեի ծախսային մասում, իսկ ծրագրի մնացորդային գումարները կանխատեսել հաջորդ տարի:

«Հաշվի առնելով «Եվրոպական միությունը Երևանի արևային համայնքի համար» դրամաշնորհային ծրագրի կատարման և եզրափակման ադյունքները՝ ծրագրի կատարման բյուջեն նվազեցնել 58,531.7 հազար դրամով, որը կարտացոլվի նաև Երևան քաղաքի բյուջեի ծախսային մասում»,-ասաց Վիլեն Արևշատյանը: