Թուրքիան պատրաստ է օգտագործել S-400 համակարգերը. Հուլուսի Աքար

Թուրքիան պատրաստ է սպառնալիքի դեպքում օգտագործել ռուսական արտադրության S-400 զենիթահրթիռային համակարգը։

Այս մասին հայտարարել է Թուրքիայի պաշտպանության նախարար Հուլուսի Աքարը, հայտնում է NTV-ն։

«S-400 համակարգը պատրաստ է օգտագործման։ Որևէ սպառնալիքի դեպքում մենք կորոշենք, թե որտեղ և ինչպես օգտագործել»,- ասաց նա։

Թուրքիան Ռուսաստանից գնել է S-400 հակաօդային պաշտպանության համակարգերի չորս գումարտակ՝ 2,5 միլիարդ դոլար արժողությամբ, որոնք մատակարարվել են 2019 թվականին։