Արսեն Սիմոնյանը նշանակվել է ՀՀ քննչական կոմիտեի նախագահի խորհրդական

Հայաստանի Հանրապետության քննչական կոմիտեի նախագահ Արգիշտի Քյարամյանի հրամանով Արսեն Սիմոնյանը նշանակվել է ՀՀ քննչական կոմիտեի նախագահի խորհրդական:

Կենսագրություն

Ծնվել է 1981 թվականի հուլիսի 26-ին, ք.Երևանում:

2001թ. ավարտել է Երևանի պետական համալսարանի բակալավրիատը, իսկ 2003թ.՝ նույն բուհի մագիստրատուրան:

2003-2006թթ. – ծառայել է ՀՀ զինված ուժերում:

Աշխատանքային գործունեություն

2006-2007թթ. – Լոռու մարզի դատախազության քննիչ

2007-2011թթ.– Կոտայքի մարզի դատախազության դատախազ, ապա՝ ավագ դատախազ

2011-2013թթ.– ՀՀ գլխավոր դատախազության սեփականության և տնտեսական գործունեության դեմ ուղղված հանցագործությունների գործերով վարչության դատախազ,ապա՝ ավագ դատախազ

04.11.2013թ.– ՀՀ գլխավոր դատախազության հետաքննության և նախաքննության օրինականության նկատմամբ հսկողության վարչության ավագ դատախազ

11.11.2013թ.– Կոտայքի մարզի դատախազի տեղակալ

2013-2016թթ.– Արմավիրի մարզի դատախազ

2016-2017թթ.– Երևան քաղաքի Արաբկիր և Քանաքեռ-Զեյթուն վարչական շրջանների դատախազ

2017-2019թթ.- ՀՀ գլխավոր դատախազության կոռուպցիոն և տնտեսական գործունեության դեմ ուղղված հանցագործությունների գործերով վարչության պետ

2019-2022թթ.- ՀՀ գլխավոր դատախազության տնտեսական գործունեության դեմ ուղղված հանցագործությունների գործերով վարչության պետ

Ծառայողական պարտականությունները բարեխղճորեն կատարելու համար պարգևատրվել «Մխիթար Գոշ» պետական պարգևով, արժանացել գերատեսչական տարբեր պարգևների:

Ամուսնացած է, ունի երեք երեխա: