Ադրբեջանը չի թաքցնում Իրանի նկատմամբ ծավալապաշտական նկրտումները և ցանկացած պահի կարող է գայթակղվել. ռազմական փորձագետ

Իմ կարծիքով այժմ Թուրքիա և այլ ուժեր հակամարտություն է գնում Ադրբեջանում։ Այլ ուժերը փորձում են անպայման ռազմական գործողություններ Իրանի դեմ Ադրբեջանի ձեռամբ, իսկ Թուրքիան փորձում է թուլացնել լարվածությունը առանց ռազմական գործողության, բայց չթուլացնելով ռազմական հռետորաբանությունը։ Այս մասին ֆեյսբուքյան իր էջում գրել է ռազմական փորձագետ Կարեն Հովհաննիսյանը։

«Ադրբեջանում գնալով ավելի մեծ թափ է առնում հակաիրանական քարոզչությունը։ Իշխանական լրատվամիջոցները Իրանի մասին լուրերը տեղադրում են բրիտանական, ամերիկյան աղբյուրների հղմամբ։ Հատկանշական են նաև նյութերի վերնագրերը։ Կարճ վերնագրերը այնպիսի տպավորություն են ստեղծում, որ Իրանում հակակառավարական ցույցերը հաջողության են հասել, իսկ իշխանությունն էլ չի տիրապետում իրավիճակին և ամենուր կրшկում է ժողովուրդի վրա։

Այս ֆոնին նաև ակտիվ քարոզվում է ադրբեջանական բանակի անպարտ լինելու թեզը։ Հատկապես օտարերկրյա ռազմական գործիչների հարցազրույցներն են հրապարակում, որտեղ այդ գործիչները խոսում են ադրբեջանական բանակի մարտունակ լինելու և ցանկացած խնդիր լուծելու մասին։

Այս ամենը արվում է մի բանի համար, հասարակության շրջանում գերվստահություն առաջացնել բանակի նկատմամբ և Իրանի դեմ հնարավոր ռազմական գործողությունների դեպքում ոչ միայն չխուսափել, այլ պատրաստ լինել երկարատև ռազմական գործողության․․․

Իմ կարծիքով այժմ Թուրքիա և այլ ուժեր հակամարտություն է գնում Ադրբեջանում։ Այլ ուժերը փորձում են անպայման ռազմական գործողություններ Իրանի դեմ Ադրբեջանի ձեռամբ, իսկ Թուրքիան փորձում է թուլացնել լարվածությունը առանց ռազմական գործողության, բայց չթուլացնելով ռազմական հռետորաբանությունը։

Բարդ է ասել, թե Թուրքիան վերջ ի վերջո ինչ կորոշի, արդյո՞ք կմտնի հակամարատության մեջ , թե ոչ, բայց Ադրբեջանը չի թաքցնում Իրանի նկատմամբ ծավալապաշտական նկրտումները և ցանկացած պահի կարող է գայթակղվել․․․»,-գրել է Հովհաննիսյանը: