Եթե մենք ինքներս չուժեղանանք, ապա չկա ոչ մի միջազգային ու տարածաշրջանային բանաձև, որը մեզ կփրկի հոշոտումից. Մարտիրոսյան

Ոչինչ այնքան ճշգրիտ չի նկարագրում մեր ներկայիս վիճակը, ինչքան Աթաբեկ Խնկոյանի «Գայլն ու Գառը»։ Ադրբեջանցիները ամենօրյա ռեժիմիով կամ տարածքներ են գրավում, կամ ճանապարհներ են փակում, կամ մարդկանց են առևանգում, կամ գերիներին են գնդակահարում, և այս ամենի հետ մեկտեղ միջազգային ատյաններում մեր դեմ դատական հայցեր են ներկայացնում։ Այդ մասին Ֆեյսբուքի իր էջում գրել է «Զանգի» հավելվածի հիմնադիր Վահրամ Մարտիրոսյանը։

«Ոչինչ այնքան ճշգրիտ չի նկարագրում մեր ներկայի վիճակը, ինչքան Աթաբեկ Խնկոյանի Գայլն ու Գառը։

Ադրբեջանցիները ամենօրյա ռեժիմիով կամ տարածքներ են գրավում, կամ ճանապարհներ են փակում, կամ մարդկանց են առևանգում, կամ գերիներին են գնդակահարում, և այս ամենի հետ մեկտեղ միջազգային ատյաններում մեր դեմ դատական հայցեր են ներկայացնում։

Բնության օրենքն է՝ Ուժեղի մոտ միշտ էլ թույլն է մեղավոր։ Ցանկության դեպքում ուժեղը միշտ էլ կգտնի պատրվակ թույլին մեղադրելու և նրան հոշոտելու։ Հռոմեացիները դրա համար հնարել էին Կազուս Բելլի հասկացությունը, որը նշանակում էր պատերազմի պատրվակ։ Իրենց էքսպանսիան արդարացնելու համար ցանկացած պարագայում միշտ մի Կազուս Բելլի գտնվում էր։

Գլխավոր հարցը նրանում է թե ինչի՞ ենք մենք այնքան թուլացել, որ վերածվել ենք մատաղացու գառի։ Եթե մենք ինքներս չդառնանք ուժեղ, ապա չկա ոչ մի միջազգային ու տարածաշրջանային բանաձև մեզ հոշոտումից փրկվելու։

Մեզ թողել են մեկ ճանապարհ՝ Դառնալ Ուժեղ։

Իսկ ուժեղ լինելու բոլոր անհրաժեշտ մարդկային, ֆինանսական և տեխնոլոգիական ռեսուրսները առկա են։ Մեզնից հասնում է միայն արդյունավետ կազմակերպվելը»,-գրել է նա։