Հարցս ուղղում եմ նիկոլապաշտ որդեկորույս ծնողներին՝ գիտակցո՞ւմ եք, որ դավաճանում եք ձեր որդիներին. զոհվածի հայր

44-օրյա պատերազմում նահատակված Հայկազ Մկրտչյանի հայրը՝ Զավեն Մկրտչյանը գրում է.

«Հարցս ուղղում եմ նիկոլապաշտ, իշխանամետ որդեկորույս ծնողներին։ Դուք գիտակցո՞ւմ եք, որ դավաճանում եք ձեր որդիներին։ Պարզ ա որ մնացածի համար մեկ ա, բա դո՞ւք, մի՞թե դրա համար էիք մեծացրել, դաստիարակել ձեր զավակներին, որպեսզի զոհաբերվեին` թուրքին ոչ ատելի վերաբերմունք քարոզելու համար։

Ստորև գրածը ասել ա ձեր պաշտելին։ Ծանոթացեք և վերլուծեք, գոնե մեկ անգամ։

Վերջին խոստովանանքը սկզբից։

«Երբ ինձ ասում են թուրք, ես դա վիրավորանք չեմ ընդունում»- 12.12.2022թ.

«Կարելի էր կանգնեցնել պատերազմը, կունենայինք նույն արդյունքը, իհարկե առանց զոհերի»-14.04.2022թ.

«Եթե ես կանգնեցնեի պատերազմը, ինձ կասեին դավաճան» -2021թ.

«...Ես տեսնում էի այդ պատերազմը...»

...նրա աղմուկ-աղաղակը խեղդվում է ծափ-ծիծաղի, երգ ու պարի, երաժշտության ու համերգների, պարգևների ու օվացիաների խառնիճաղանջ ժխորի տակ: Այդ ալիքների տակ է, որ խլանում են գերվածների հառաչանքները, զոհերի մայրերի, քույրերի, կանանց ողբը, ովքեր իրենք անգամ չեն կռահում, որ իրենց որդիները, եղբայրներն ու ամուսինները զոհվել, գերեվարվել, կործանվել ու ավարտվել են պատերազմի դաշտում` չունենալով անգամ պաշտպանվելու հնարավորություն...»։

Վերջինն էլ ա գրել է Ն.Փ. -ն, դեռ 2008թ.-ին «Երկրի հակառակ կողմը» գրքում։

Այնպես որ ամեն ինչ պլանավորած ա արել և շարունակում ա հաջողությամբ իրականցնել` ձեր լուռ ու մունջ հանդուրժողականությամբ»: