Ադրբեջանը պետք է դադարեցնի Լաչինի միջանցքի շրջափակումն ու վերականգնի Արցախ գազի մատակարարումը. Freedom House

«Ադրբեջանը պետք է դադարեցնի Լեռնային Ղարաբաղն արտաքին աշխարհին կապող միակ ճանապարհի՝ Լաչինի միջանցքի շրջափակումը»,-ասված է Freedom House իրավապաշտպան կազմակերպության տարածած հայտարարության մեջ։

«Կոչ ենք անում միջազգային հանրությանը վերահաստատել իր աջակցությունն առանց հարկադրանքի բանակցություններին։ Մենք նաև անհանգստացած ենք այն հաղորդումներով, որ Ադրբեջանը հերթական անգամ դադարեցրել է դեպի Լեռնային Ղարաբաղ գազի մատակարարումը։

Կոչ ենք անում Ադրբեջանի կառավարությանը վերականգնել գազի անխափան մատակարարումը այդ շրջանի բնակչությանը։

Ի վերջո, կոչ ենք անում ԵԱՀԿ Միսնկի խմբի անդամներին ու 2020 թ. նոյեմբերի 9-ի եռակողմ հայտարարության կողմերին ձեռնարկել անհապաղ քայլեր Լեռնային Ղարաբաղի բնակիչների իրավունքների՝ այդ թվում տեղաշարժման, ու անվտանգության ապահովման համար»,-ասված է կազմակերպության Թվիթերի միկրոբլոգում։

We call on the int'l community to reiterate its support for negotiations without coercion. Azerbaijan must cease its blockage of the Lachin corridor— the only road connecting Nagorno-Karabakh to the outside world. (1/3)https://t.co/39f9basCYd

— Freedom House (@freedomhouse) December 14, 2022