Արցախի ինքնորոշման իրավունքը մեզ համար կարմիր գիծ է, որից մենք որևէ միլիմետր նահանջ չենք անելու. Բեգլարյան

Այս պահին թեև հիմնական ռեսուրսը ներդրվել է կարճաժամկետ խնդիրները լուծելու ուղղությամբ, բայց պետք է պայքարը չդադարեցնենք երկարաժամկետ երաշխիքներ ստանալ՝ Արցախի ժողովրդի անվտանգության և նմանատիպ դեպքերի կանխման համար, և հստակ լինի, որ Ադրբեջանն այսուհետ բարձր գին է վճարելու նմանատիպ ահաբեկչական ցեղասպանական ակտեր կատարելու համար։ Այս մասին, այսօր՝ դեկտեմբերի 16-ին, լրագրողների հետ զրույցում ասաց Արցախի պետնախարարի խորհրդական, նախկին ՄԻՊ Արտակ Բեգլարյանը, ով ՄԱԿ-ի գրասենյակի դիմաց դեկտեմբերի 14-ից նստացույց է սկսել:

Նա ընդգգծեց, որ Արցախի ինքնորոշման իրավունքը արցախցիների համար կարմիր գիծ է, որից որևէ միլիմետր նահանջ չի կւնելու:

«Ինքնորոշման իրավունքի հիման վրա պետք է գործի, մեր պատկերացմամբ, «ճանաչում հանուն փրկության», ոչ թե «անջատում հանուն փրկության»: Արցախի ինքնորոշման իրավունքի առաջ մղումը առաջին հերթին պետք է իրականացնի Արցախի Հանրապետությունը որպես գլխավոր սուբյեկտ, երկրորդը ամբողջ հայ ժողովուրդը, երրորդը Հայաստանը եւ 4-րդը՝ մեր բարեկամները, միջազգային հանրությունը, դա կարող է լինել Ֆրանսիան, ԱՄՆ-ն, Ռուսաստանը, որոնք հավատում են մեզ, կարևորում են հակամարտության կարգավորումը, որոնք կարեւրում են ինքնորոշման իրավունքը»,-ասաց Արտակ Բեգլարյանը: