Վաղը որ Նիկոլին կալանավորենք ու փոխենք իշխանությունը, ի՞նչ երեսով են անշնորհք պահվածքով ոստիկանները նայելու մեր աչքերի մեջ. Հոխիկյան

Լրագրող Նաիրի Հոխիկյանի գրառումը․

«Դեկտեմբերի 16-ին բողոքի ակցիա էինք անում ՀՀ-ում Մեծ Բրիտանիայի դեսպանության մոտ՝ պահանջելով դադարեցնել ահաբեկչական Ադրբեջանին հովանավորելը։

Բրիտանական դեսպանությունը պահպանում էին մոտ 3 տասնյակ հայ ոստիկաններ։ Լավ էին անում, իրենց աշխատանքային պարտականությունն է։

Իմ ելույթի ժամանակ, երբ խոսում էի բրիտանական ընկերությունների հակահայկական գործունեության ու Արցախի նկատմամբ հանցանքների մասին, նկատում էի, որ մի շարք ոստիկանների նույնիսկ հետաքրքրել էր, լսում էին, դեմքներին զարմանքի ու նույնիսկ զայրույթի մկաններ էին շարժվում։ Դա ինձ ուրախացրեց։

Ակցիայի վերջում մոտեցա ոստիկաններին, որ շնորհակալություն հայտնեմ իրենց խաղաղ ու առանց բռնության ծառայության համար։ «Հա, աբեր․․․»,-սա էր ոստիկանների արձագանքը ու այնքան զզվելի ձևով, որ ինքս էլ փոշմանեցի էթիկայի սահմաններում իմ քայլի համար։ Մտածեցի ասեմ՝ հո դուք կարմիրբերետավոր չե՞ք, որ էդքան անշնորհք ու անուղեղ ձևով եք ձեզ պահում, հետո ասացի՝ գուցե հանձնարարություն ունեն վերևներից, որ ամեն դեպքում բռնություն գործադրեն, առիթի են սպասում։

Իհարկե, կան շատ մարդկային ու որակյալ ոստիկաններ։ Ընդհանրապես, ոստիկանությունը կարևոր գործոն է յուրաքանչյուր հանրության համար, բայց ոստիկան լինելը շատ մարդկանց կողմից ընկալվում է «մենթ» լինել։ Այդպես չէ, լավ ոստիկանը մարդ է, առաջին հերթին հասարակական կարգ պահող ու նաև ընդդիմադիր կեցվածք ունեցող անհատի նկատմամբ հարգանք ցուցաբերող։

Վաղը որ Նիկոլին կալանավորենք ու փոխենք իշխանությունը, ի՞նչ երեսով են այդ նույն անշնորհք պահվածքով մի քանի ոստիկանները նայելու մեր աչքերի մեջ։ Բոլորին հատ-հատ հիշում եմ, անուններով, զբաղեցրած պաշտոններով ու գործած հանցանքներով։
Մի մոռացեք, ոստիկանը նախևառաջ մարդ է։ Մի կորցրեք ձեր մարդկային դեմքը»։