Ռուս խաղաղապահներն աշխատում են Լաչինի միջանցքում իրավիճակը կարգավորելու ուղղությամբ․ Լավրով

Ռուս խաղաղապահներն ամեն ժամ աշխատում են Լաչինի միջանցքում ստեղծված իրավիճակը կարգավորելու համար և կապի մեջ են կողմերի հետ։ Ինչպես գրում է TACC-ը՝ այդ մասին ուրբաթ օրը հայտարարել է ՌԴ ԱԳ նախարար Սերգեյ Լավրովը` Ադրբեջանի ԱԳ նախարար Ջեյհուն Բայրամովի հետ բանակցություններից հետո կայացած մամուլի ասուլիսում։ 

«Իհարկե, մենք դիտարկել ենք այն իրավիճակը, որն այժմ ամենամեծ հետաքրքրություն է ներկայացնում․ իրավիճակի սրումը Լաչինի միջանցքում: Մենք հաստատեցինք, որ ռուս խաղաղապահներն աշխատում են բառացիորեն ամեն ժամ՝ համապատասխան կողմերի հետ շփումներում իրավիճակը կարգավորելու համար։ Մենք կողմ ենք, որպեսզի հնարավորինս արագ վերականգնվեն տրանսպորտային կապերը և լուծվեն հանքաքարի հանքավայրերի շահագործման հետ կապված տարաձայնությունները։ Թեման հին է, ժառանգություն է ստացել Խորհրդային Միությունից, և, իհարկե, անհրաժեշտ է. որքան հնարավոր է շուտ չեզոքացնել դրա սրությունը»,- նշել է Լավրովը։

Նրա խոսքով՝ Ռուսաստանը, ինչպես ոչ ոք, շահագրգռված է Հայաստանի և Ադրբեջանի միջև կայուն և արդար խաղաղությամբ և հակամարտությունների կանխմամբ, ասաց նախարարը։

«Ռուսաստանը, հավանաբար, ավելի շատ, քան որևէ մեկը, շահագրգռված է այս տարածաշրջանում մեզ բարեկամ երկու պետությունների միջև կայուն, արդար խաղաղության հաստատմամբ։ Հակամարտությունների նախկին դրսևորումների ցանկացած կրկնություն՝ կբացառվի»,- ասել է նա։