Կոսովոյի և Մետոհիայի բնիկ սերբ բնակչության վտարումը/ոչնչացումը մոտենում է եզրափակչին, թե մենք ուշքի չգանք, ապա անխուսափելիորեն կհայտնվենք նույն իրավիճակում. Աբովյան

Ինչպես և ենթադրում էինք, Բալկաններում, եվրոպական «ժողովրդավարության» տարբեր կենտրոնների թեթև ձեռքով, թուրքական բուրմունքով նոր հակամարտություն է բռնկվում։ Իսկ ավելի ստույգ՝ Կոսովոյի և Մետոհիայի բնիկ սերբ բնակչության վտարումը/ոչնչացումը մոտենում է եզրափակչին։ Այս մասին գրել է նախկին պատգամավոր Արման Աբովյանը: 

«Իսկ եթե մենք ուշքի չգանք, ապա անխուսափելիորեն, վաղ թե ուշ կհայտնվենք նույն իրավիճակում։ Սա փոխաբերություն չէ և ոչ էլ վախեցնող հեռանկար։ Սա իրականություն է, որտեղ մեզ թավշյա հիպնոսի մեջ են ներքաշել նրանք, որոնց մոտ «Հայրենիք», «Ազգ», «Պատիվ» և «Արժանապատվություն» հասկացությունները մերժվում և վախի զգացողություն են առաջացնում։

Ինչպե՞ս էին ասում... ժողովրդավարությունը Հայաստանի «բրենդն» է։

Եվ ի՞նչ, փրկե՞ց ժողովրդավարությունը սերբերին ալբանական օկուպացիայից և իրենց հայրենիքի կորստից։

Եվ ի դեպ, հիշենք, թե քանի պարկուճ, հրթիռ, ռումբ են մեզ հանձնել ժողովրդավարական արևմտյան երկրները, երբ մենք հարձակման ենթարկվեցին ավտորիտար Ադրբեջանի կողմից։ Իսկ միգուցե սանկցիանե՞ր են կիրառել Ալիևների մարդասպանների և ֆաշիստների ընտանիքի դեմ։ Գուցե միջազգային հետախուզո՞ւմ են հայտարարել այն սրիկաներին, ովքեր տեսախցիկների առաջ գնդակահարում էին հայ գերիներին։

Տարօրինակ է. ժողովրդավարությունը մեզ ընդհանրապես չի օգնում գոյատևել։
Անհեթեթություն է... ժողովրդավարությունը Հայաստանի «գլխավոր բրենդն է»։
Հյուսիսային Կոսովոյի և Մետոհիայի սերբերը բարիկադներ են կանգնեցրել Կոսովսկա֊Միտրովիցայում՝ չճանաչված Կոսովոյի անվտանգության ուժերի մարտական ​​պատրաստվածություն բերելու մասին հայտարարությունից հետո։ Այս մասին գրում է սերբական «Երեկոյան լուրեր» թերթը։

Հրապարակման համաձայն՝ Կոսովոյի և Մետոհիայի հյուսիսում բնակվող սերբերն առավոտյան բարիկադներ են կանգնեցրել՝ Դուդին-Կրշ գյուղի և Բոսնյաչկա-Մահալի շրջանի կողմից մուտքը դեպի Կոսովսկա-Միտրովիցա փակելու համար։ Չճանաչված Կոսովոյի  անվտանգության ուժերի լիակատար մարտական պատրաստության բերման մասին հայտարարությունից հետո կամրջի վրա ցուցարարները բեռնատար են կայանել՝ հյուսիսային Միտրովիցա տանող ճանապարհը ամբողջությամբ փակելու համար:

Ավելի վաղ չճանաչված Կոսովոյի իշխանություններն իրենց զինված ուժերը լիակատար մարտական պատրաստության էին բերել, անվտանգության շուրջ 1500 աշխատակիցների հանձնարարվել էր առաջիկա գիշերը մնալ ծառայության վայրերում կամ հասանելի գոտում՝ գիշերը հնարավոր տեղաշարժերի նպատակով»։