Պարզաբանում 29.11.2022 թ․ և 06.12.2022 թ․ հրապարակված հայտարարության վերաբերյալ

«Հայփոստ» ՓԲԸ-ն, նպատակ ունենալով պարզաբանելու Ընկերության գլխավոր գործադիր տնօրենի թափուր պաշտոնը զբաղեցնելու համար 29.11.2022թ․ եւ 06.12.2022թ․ հրապարակված հայտարարության Ընկերության գլխավոր գործադիր տնօրենի թափուր պաշտոնը զբաղեցնելու համար ՀՀ Կենտրոնական բանկի խորհրդի 25․10․2011թ․ թիվ 285-Ն որոշմամբ հաստատված N17/01 կանոնակարգով սահմանված որակավորման պահանջը, ներկայացնում է սույն պարզաբանումը:

«Վճարահաշվարկային համակարգերի եւ վճարահաշվարկային կազմակերպությունների մասին» ՀՀ օրենքի 22-րդ հոդվածի 4-րդ կետի համաձայն՝ «անձը կարող է վճարահաշվարկային կազմակերպության ղեկավար աշխատել Կենտրոնական բանկում գրանցվելու պահից, ընդ որում` գրանցվելու համար անձը պետք է ունենա վճարահաշվարկային կազմակերպության ղեկավարի որակավորման, մասնագիտական համապատասխանության վկայական: Սույն մասով նախատեսված գրանցումը կատարվում է դիմելու պահից տասնօրյա ժամկետում»:

Նշված օրենքի հիման վրա ՀՀ Կենտրոնական բանկի խորհրդի 25.10.2011թ․ թիվ 285-Ն որոշմամբ հաստատվել է «Վճարահաշվարկային կազմակերպությունների լիցենզավորումը, մասնաճյուղերի հաշվառումը, վճարահաշվարկային կազմակերպությունների ղեկավարների որակավորումը, վճարահաշվարկային կազմակերպությունների գործունեության վայրին ներկայացվող տեխնիկական հագեցվածության, տարածքային, ծրագրային, անվտանգության պահանջները, ինչպես նաեւ վճարահաշվարկային կազմակերպությունների լիցենզիաների գրանցամատյանի ձեւը, վարման կարգը, դրանում ներառվող տեղեկությունները» կանոնակարգ 17/01-ը: 17/01 կանոնակարգի հավելվածի 86-րդ կետի համաձայն՝ Վճարահաշվարկային կազմակերպության գործադիր տնօրենի կամ գործադիր տնօրենի տեղակալի պաշտոնը կարող է զբաղեցվել վճարահաշվարկային կազմակերպության գործադիր տնօրենի, գործադիր տնօրենի տեղակալի կամ բանկի գործադիր տնօրենի (վարչության նախագահի), գործադիր տնօրենի (վարչության նախագահի) տեղակալի, տնօրինության (վարչության) անդամի, օտարերկրյա բանկի մասնաճյուղի կառավարչի որակավորում ունեցող ժամանակավոր պաշտոնակատարի կողմից, իսկ գլխավոր հաշվապահի պաշտոնը կարող է զբաղեցվել վճարահաշվարկային կազմակերպության գլխավոր հաշվապահի կամ բանկի ու օտարերկրյա բանկի մասնաճյուղի գլխավոր հաշվապահի կամ գլխավոր հաշվապահի տեղակալի որակավորում ունեցող ժամանակավոր պաշտոնակատարի կողմից:

Սույն պահանջների կատարման համար 29.11.2022թ․ եւ 06.12.2022թ․ հրապարակված հայտարարության Ընկերության գլխավոր գործադիր տնօրենի թափուր պաշտոնը զբաղեցնելու համար ՀՀ Կենտրոնական բանկի խորհրդի 25․10․2011թ․ թիվ 285-Ն որոշմամբ հաստատված N17/01 կանոնակարգով սահմանված որակավորման պահանջը նշվել է թափուր պաշտոնը զբաղեցնելու համար պահանջների մասում, սակայն սույն պահանջը չի ներառվել մրցույթին մասնակցելու համար անհրաժեշտ փաստաթղթերի ցանկում՝ հաշվի առնելով, որ ցանկացած անձ կարող է դիմել եւ մասնակցել մրցույթին, սակայն մրցույթում հաղթելուց հետո Ընկերության գլխավոր գործադիր տնօրենի պաշտոնին կնշանակվի համապատասխան որակավորումը ստանալուց հետո: