Այս «ֆիլմում» գրեթե բոլորը, այդ թվում խոսողներն ու տարբեր թեմաներ դաշտ գցողները, որոշ լռողները, ունեն իրենց կոնկրետ ֆունկցիան, որը և կատարում են. քաղաքագետ

Քաղաքագետ Ալեն Ղևոնդյանը ֆեյսբուքյան իր էջում գրել է.

«Շուտով Արևմուտքը կփրկի Արցախը հումանիտար աղետից, իսկ դա լեգիտիմ հիմք է կողմնորոշման փոփոխության կոնտեքստի տեսանկյունից: Այս «ֆիլմում» գրեթե բոլորը, այդ թվում խոսողներն (նաև Արցախից) ու տարբեր թեմաներ դաշտ գցողները, անգամ որոշ լռողներ, ունեն իրենց կոնկրետ ֆունկցիան, որը և կատարում են:

Ու այս ամենի մեդիա սպասարկումը «ճիշտ, հակառուսական» շեշտադրումներով կհանգեցնի նրան, որ հերթական անգամ կհայտնվենք հերթական հակառուսական հիստերիայի մեջ:

Իսկ եթե թվում է, թե ասենք գազ, լույս անջատելով, կամ կապի գներ բարձրացնելով իրավիճակը կփոփոխվի, ապա չեն սխալվում էդ կերպ մտածողները, իրավիճակը կփոփոխվի՝ միայն «հակառուսականությունից» վերածվելով «ռուսատյացության»:
Հանրույթները, որոնց 2008-ից սարքել են զանգված ու աղանդավոր, հազվադեպ են ունակ լինում սթափ ու ադեկվատ որոշումներ կայացնել, նրանք ֆոն են միայն ու եթե հանկարծ մի օր էլ դուրս են գալիս փողոց իբր հեղափոխության՝ դա անում են պլանավորած փոքր խմբերի կողմից:

Զանգվածի հիմնական գործառույթը դա մանիպուլացվել է, թրենդների հետևից գնալը (ասենք խոպանչին, որ ՌԴ-ում է աշխատում, ՌԴ-ին մեղադրում է իր բոլոր խնդիրների մեջ):
Հակառուսականությունը թրենդ է, հետևաբար պետք է տակը մտնել, մի հանգամանք մոռանալով, տակն ենք մնալու:

Հակառուսականությունը արդեն վաղուց գեպոլիտիկա է:

էս ա»: