Հայկական գործով Թուրքիայի և Ադրբեջանի միջև դերերը բաժանվում են, այն է՝ թուրքերը «լավ ոստիկանն են», իսկ Ադրբեջանը՝ «չար ոստիկանը». Արման Աբովյան

Շատ հետաքրքիր է հետևել թրքասեր խանդավառությանը, թե բա Թուրքիան «թույլատրեց» Հայաստանի շրջափակումը և թույլ տվեց Հայաստանից օդային բեռնափոխադրումներ իրականացնել դեպի Թուրքիա: Այս մասին ֆեյսբուքյան իր էջում գրել է նախկին պատգամավոր Արման Աբովյանը: 

«Նաև շատ հետաքրքրական է թուրքերի «տիրական» նվերի մասին ոգևորված մեկնաբանություններ կարդալ` նույն թուրքերի «պստլիկ եղբայրների» կողմից 120.000 հայերի շարունակվող շրջափակման լույսի ներքո։ 

Այո՛... հենց այլատեսակ թուրքերն էին, որ արցախահայությանը դատապարտեցին տառապանքի, հենց այլատեսակ թուրքերն էին, որ տեսախցիկների առաջ գնդակահարում էին հայ գերիներին և կտրում էին մահացած հայ ծերերի ու կանանց ականջները, հենց այլատեսակ թուրքերն են, որ ինտենսիվ պատրաստվում են մասնատել Հայաստանը և դա բացարձակապես չեն թաքցնում։ 

Ի դեպ, դեռ չե՞ն լսվում Հայաստանի իշխանությունների մեկնաբանություններն Արարատ լեռան լանջին «ահաբեկիչների» դեմ թուրքերի կողմից հենց հայկական սահմանին ռազմաբազայի կառուցման վերաբերյալ։ Ովքե՞ր են այն առեղծվածային ահաբեկիչների, որը Հայաստանի տարածքից այնպիսի լուրջ սպառնալիք են,  որ թուրքերը որոշեցին ռազմաբազա կառուցել։

Կամ այլ ձև հարցադրումը ձևակերպեմ֊Թուրքերն ու՞մ վրա են հարձակվելու կառուցելով հարձակողական ենթակառուցվածքներ Հայաստանի հետ սահմանին , կարո՞ղ եք հնչեցնել ձեր թանկագին կարծիքը, թե՞ թուրքամետ ոգևորությունը ձեզ լրիվ զրկել է մտածելու ցանկությունից։

Ի դեպ, հայկական գործով թուրք-ադրբեջանական տանդեմում Թուրքիայի և Ադրբեջանի միջև դերերը բաժանվում են ըստ էժանագին դետեկտիվի կանոնների, այն է՝ թուրքերը «լավ ոստիկանն են», իսկ Ադրբեջանը՝ «չար ոստիկանը»։

Այսպես էլ մեզ հետ խաղում են, ինչպես մտքերին փչի։

Բայց ամենակարևորն այն է, որ թուրքերի և ադրբեջանցիների ՑԱՆԿԱՑԱԾ քայլեր հայերի նկատմամբ հստակ համաձայնեցված են միմյանց հետ և հետապնդում են հակահայկական ԸՆԴՀԱՆՈՒՐ ՆՊԱՏԱԿՆԵՐ։

Պետք է շատ լուրջ ջանքեր գործադրել, որ այս իրողությունը չնկատել»։