Քերոբյանի ղեկավարած կառույցում փնթի աշխատանքի հետևանքով պետությանը 28 մլն դրամի վնաս է պատճառվել
Հայաստանի կառավարության ամենակուրիոզ դեմքերից մեկի՝ Վահան Քերոբյանի ղեկավարած՝ Էկոնոմիկայի նախարարությունում 2019թ.. ընթացքում աշխատանքից ազատել են Տուրիզմի կոմիտեի նախագահի տեղակալին և այդ ժամանակ նախարարի տեղակալ եղած Հակոբ Ավագյանի օգնականին (նրա կողմից ԱԱՏՄ տեղափոխվելուց հետո):
Այս անձանց աշխատանքից ազատելու հրամաններն իրավական առումով եղել են թերի ձևակերպած, ընդունվել են օրենսդրության խախտմամբ: Հենց այդ փաստի հիման վրա էլ այս երկու անձինք դատական կարգով հայց են ներկայացրել և հաղթել են քաղաքացիական գործերը: Դատարանը վճռել է նրանց փոխհատուցել նաև պարապուրդի գումար, որը կազմել է յուրաքանչյուրին մոտ 14.000.000 ՀՀ դրամ: Այս գումարը փոխհատուցվել է ՀՀ բյուջեի հաշվին:
«Կառավարչական իրավահարաբերությունները կարգավորելու մասին» օրենքի համաձայն Գլխավոր քարտուղարն օրենքով սահմանված կարգով գույքային պատասխանատվություն է կրում պետությանը իր մեղքով պատճառած վնասի համար:
Փաստորեն, այդ ժամանակահատվածի գլխավոր քարտուղարի և այլ պաշտոնատար անձանց /անձնակազմի կառավարման վարչության և իրավաբանական վարչության աշխատակիցների/ անփույթ և անգրագետ աշխատանքի հետևանքով տրվել են անօրինական հրամաններ անձանց աշխատանքից ազատելու մասին, որոնք դատական կարգով բեկանվել են և դրա հիման վրա պետությանը պատճառվել է մոտ 28.000.000 ՀՀ դրամի վնաս: Սակայն մինչ օրս, ինչպես սպասվում էր, Քերոբյանի ղեկավարած նախարարությունում անգամ ծառայողական քննություն չի արվել՝ պարզելու, թե ում մեղքով է այդ վնասը պատճառվել պետությանը և ով պետք է փոխհատուցի պետությանը պատճառված վնասը:
Ավելին, այդ նույն մարդիկ այս պահին կրկին պաշտոնավարում են նախարարությունում և շարունակում են կատարել ապօրինություններ: 2018թ. մինչ օրս այդ նախարարությունում չեն կատարվել գույքագրման աշխատանքներ և որևէ ստուգող մարմին չի բարձրացնում այդ հարցը, թե ինչ միջոցներ են ձեռնարկվել նախկին գլխավոր քարտուղարների կողմից, ովքեր հանդիսանում են այդ գույքի հիմնական պատասխանատուն գույքագրում իրականացնելու համար:
Ստացվում է, որ անպատժելիությունը հովանավորվում է ուղիղ երկրի ղեկավարության կողմից, երբ քաղաքացու խղճուկ աշխատավարձից հարկ են վերցնում, որ պետական համակարգ ու թոշակառու պահեն, իսկ նույն պետական համակարգում նստածները փնթի աշխատանքի հետևանքով պարզապես վատնում են այդ գումարները:
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Մահացել է Մակրոնի կնոջը տղամարդ անվանած լրագրողուհին
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
