Տիգրան Աբրահամյանը՝ Արցախի և Հայաստանի միջև հակասությունների մասին

Եթե վերջին մեկ տարվա իրադարձությունները քննարկենք, ապա Արցախի և Հայաստանի լուրջ հակադրությունը եղավ 2021թ․-ի ապրիլին, երբ Նիկոլ Փաշինյանը հայտարարեց Արցախի հարցով նշաձողի իջեցման մասին։ Դա ուղղորդվեց իր թիմակիցների՝ Նիկոլ Փաշինյանի ներկայությամբ այնպիսի հայտարարություններով, որոնք վերաբերում էին Արցախի՝ Ադրբեջանի կազմում հնարավոր ապագային։ Այս մասին ասաց «Պատիվ ունեմ» խմբակցության պատգամավոր Տիգրան Աբրահամյանը, անդրադառնալով Արցախի և Հայաստանի միջև հակասություններին։ 

Նրա խոսքով՝ իշխանության տարբեր ներկայացուցիչներ բաց տեքստով խոսում էին այն մասին, որ Արցախը կարող է լինել Ադրբեջանի կազմում, ապա խոսում նաև այն մասին, որ Հայաստանը պաշտպանելու համար Արցախը պետք է թողնել բախտի քմահաճույքին և այլն։ Եվ հենց այդ ժամանակ էր, որ ավելի ընդգծվեցին Արցախի և Հայաստանի իշխանությունների բավականին ծայրահեղ հակասությունները։

«Այդ ժամանակ դա արտահայտեց Արցախի խորհրդարանի՝ 5 քաղաքական ուժերի, այդ թվում՝ քաղաքական ուժերի համատեղ հայտարարությամբ, որով նրանք անհամաձայնություն էին հայտնում Հայաստանի արտաքին քաղաքական կուրսին։ Դրանից հետո ևս եղան մի քանի դրսևորումներ՝ հանրահավաքների, հարցազրույցների և պաշտոնական հայտարարությունների ձևով էին։ Իսկ վերջինն էլ Հայաստանից հնչող հայտարարությունն էր, մասնավորապես Նիկոլ Փաշինյանի հարցազրույցը, որտեղ նա բացի նրանից, որ արտահայտում էր իր մոտեցումներն Արցախի հարցում, նաև նշում էր, որ դրանք ներդաշնակ կամ համաձայնեցված են Արցախի իշխանությունների հետ։ Իսկ դրան հետևեց Արցախի Անվտանգության խորհրդի նիստին հետևած հայտարարությունները, իսկ երկրորդը եղավ նաև հայտարարություն պետնախարարի մոտից, որտեղ ակնհայտ ցույց էր դրվում Հայաստանի մոտեցումների հետ համաձայնություն չունենալը և առաջին հերթին՝ դրանց ներդաշնակ չլինելը»,- նշեց Աբրահամյանը։