Քննիչները 500, թե՞ 100 դրամանոց զուգարանի թուղթ են օգտագործում

Մամուլում այսօր տեղեկատվություն հրապարկվեց , որ 2016թ․-ի գնումների պլանից պարզ է դառնում, որ Աղվան Հովսեփյանի ղեկավարած Քննչական կոմիտեն 500 դրամանոց զուգարանի թղթի պահանջ է ներկայացրել։

Newspress.am-ը փորձեց Քննչական կոմիտեից պարզել, թե այդ ինչ արտադրության զուգարանի թուղթ են օգտագործում քննիչները, ընդհանուր առմամբ տարեկան որքա՞ն գումար է ծախսվում այդ գնի զուգարանի թուղթ ձեռք բերելու համար:

Մեր հարցմանը ի պատասխան ՀՀ ՔԿ դեպարտամենտից ստացավեց պատասխան, թե 2016թ.-ի գնումների անվանացանկում, որը կազմված է 164 տողից, տեղի է ունեցել տեխնիկական վրիպակ: 2016թ-ի համար մեր կողմից նախատեսվել էր գնել ընդհանուր թվով 500 հատ զուգարանի թուղթ, միավորի գինը՝ 100 ՀՀ դրամ, որը ամենաէժան գինն է: Անվանացանկը կազմելիս քանակի և միավորի գնի թվերը տեխնիկական սխալի հետևանքով լրացվել են հակառակ սյունակներում:

Մեզ տրված պարզաբանման մեջ նշվում էր, որ վրիպակը չէր անդրադարձել բյուջետային հայտի տարեկան ընդհանուր գումարի մեծության վրա, քանի որ ամբողջ տարվա համար 50.000 ՀՀ դրամը մնացել էր անփոփոխ:

Քննչական կոմիտեից նաև մամուլին շնորհակալություն են հայտնում վրիպակը նկատելու համար: Պարզաբանման մեջ նշվում է, որ դեպարտամենտն արդեն համապատասխան գրություն է ուղարկել ՀՀ ֆինանսների նախարարություն։