«15 երեխա ողջ-ողջ վառվեցին․ քոռանաք դուք, աշխա՛րհ, ինչի չես քոռացնում էս ստորին»․ զոհվածի մայր (տեսանյութ)
Երեկ մեր տղաներն են զոհվել, այսօր մյուսինն է զոհվել, վաղն էլ մեկ ուրիշինը կզոհվի․ այ սենց գնալու ենք, սենց սպառվելու ենք։ Այս մասին ՔԿ շենքի դիմաց լրագրողների հետ զրույցում ասաց 44-օրյա պատերազմում զոհված, Արցախի հերոս Դավիթ Առուշանյանի մայրը՝ տիկին Լիդան։
«Եկել է ճիվաղը (նկատի ունի Նիկոլ Փաշինյանին-հեղ․) որպեսզի սպառի հայ ժողովրդին»,-
ասաց հերոսի մայրը։
Նա նկատում է, որ իր որդին՝ Դավիթը, չի ենթարկվել նահանջ հրամանին և պահել է Արցախը․ հետևում Արցախն է եղել ու նահանջի տեղ չկար։
«Այսօր այդ Արցախը շրջափակման մեջ է, ոչ մեկի պետքը չէ։ Ամբողջ աշխարհը խոսում է Արցախից, մեր ղեկավարությունը չի խոսում։ 25 հազար ոստիկանություն մի ճիվաղ է պահում, որպեսզի Հայաստանը կործանի։ Արցախը կործանել է։ Արցախցիներ, չլսեք այս ճիվաղին։ Ձեզ կործանել է։ Արցախի ղեկավարություն եք, թե հասարակ քաղաքացի, ձեզ կործանել է, ձեր երկիրը ծախել է, Հայաստանն էլ է ծախում։ 5000 զոհերի ծնողներին տեսեք ինչ օրն է գցել՝ քաշքշել են, դես են գցել, դեն են գցել»,- ասաց տիկին Լիդան։
Նա կոչ արեց բոլորին կանգնել զոհվածների ծնողների կողքին։
Անդրադառնալով Գեղարքունիքի զորամասերից մեկի վաշտի կեցավայրում տեղի ունեցած հրդեհին, որի հետևանքով 15 զոհ և 3 վիրավոր զինվոր կա, Լիդա մայրիկը ձեռքերն օդ բարձրացրեց և հուզմունքից բացականչեց․ «15 երեխա ողջ-ողջ վառվեցին 21-րդ դարում։ Քոռանաք դուք, աշխարհ՝ ինչի՞ չես քոռացնում էս ստորին»,- բղավում է տիկին Լիդան։
Մանրամասները՝ տեսանյութում
