ՆԱՏՕ-ի գլխավոր քարտուղարը նույնպես հաստատում է մեր աշխատանքի կարևորությունը․ Հուլուսի Աքար

Մենք հայտարարել ենք, որ հարգում ենք Ուկրաինայի տարածքային ամբողջականությունը, ինքնիշխանությունն ու անկախությունը և չենք ճանաչում նրա հողերի բռնակցումը։ Մենք նշել ենք, որ այս ողբերգությունը պետք է ավարտվի առանց նոր մարդկային զոհերի, և որ լուծումները պետք է գտնվեն խաղաղ միջոցներով և մեթոդներով։ Ինչպես հայտնում է ԱՊԱ-ն՝ այս մասին ասել է Թուրքիայի ազգային պաշտպանության նախարար Հուլուսի Աքարը՝ հունվարի 20-ին Գերմանիայի Ռամշտեյն ավիաբազայում Ուկրաինայի պաշտպանության կոնտակտային խմբի հանդիպումից հետո։

Աքարն ասել է, որ Ուկրաինայի և Ռուսաստանի միջև պատերազմի առաջին իսկ օրվանից իր երկիրը թույլ չի տվել կողմերի ռազմանավերին նեղուց մտնել՝ համաձայն Մոնտրեյի կոնվենցիայի։

«Եթե այստեղ կայունություն է, դրա հիմնական պատճառը Թուրքիայի վարած քաղաքականությունն է, մեր նախագահի ղեկավարների մակարդակով հանդիպումներով մի կողմից ապահովեցինք գերիների փոխանակումը, իսկ մյուս կողմից. Ուկրաինայի նավահանգիստներում սպասվող հացահատիկի մատակարարումը կարիքավորներին: Մինչ այժմ ուկրաինական նավահանգիստներից փոխադրվել է 18 միլիոն տոննա հացահատիկ: Հանդիպմանը մենք հայտարարել ենք, որ այս ամենը շատ արժեքավոր են, և որ նախագահի հանդիպումները Պուտինի և Զելենսկու հետ կարևոր դեր են խաղացել այդ աշխատանքների իրականացման գործում»,- ասել է թուրք նախարարը։

Աքարը նշել է, որ հնարավորություն է ունեցել ևս մեկ անգամ ընդգծելու Թուրքիայի ջանքերի կարևորությունն ու արժեքը. «ՆԱՏՕ-ի մեծարգո գլխավոր քարտուղար Սթոլթենբերգը, ով մասնակցել է հանդիպմանը, հաստատում է ՆԱՏՕ-ի շրջանակներում մեր գործողությունների կարևորությունը»։

Ընդգծելով, որ Թուրքիան արել է այն ամենը, ինչ պետք է արվի ուկրաինա-ռուսական պատերազմում մարդասիրական տեսանկյունից, Աքարն ասել է, որ իրենք շարունակելու են աշխատել այս ուղղությամբ։