Հայաստանի նախկին իշխանությւոնները չէին ցանկանում զիջել 7 շրջանները. Լավրով

«Հայաստանն ու Ադրբեջանը շարունակում են ուղիներ փնտրել Կովկասում իրավիճակը կայունացնելու համար, պատրաստ է օգնել նաև ՀԱՊԿ-ը։ Այն բանից հետո, երբ անցյալ տարվա սեպտեմբերին տեղի ունեցավ բռնության աճ, այնտեղ երկու կողմից մոտ 300 մարդ մահացավ, մենք անմիջապես ստացանք Հայաստանի խնդրանքը։ ՀԱՊԿ գլխավոր քարտուղարը հատուկ առաքելությամբ սահման է գնացել և ծրագիր է ներկայացրել»։

Այս մասին ռուսական լրատվամիջոցներին տված հարցազրույցում ասել է ՌԴ արտգործնախարար Սերգեյ Լավրովը։

«Այդ ծրագիրը պատրաստվել է բավականին վաղուց, և արդյունքում Երևանի գագաթնաժողովում մենք վերջնական տեսքի բերեցինք համապատասխան որոշման տեքստը։ Սակայն հայ գործընկերներն ասացին, որ այս որոշումը իրենց պետք կգա միայն այն դեպքում, եթե այն կտրականապես դատապարտի Ադրբեջանի գործողությունները։  Ղարաբաղյան պատերազմի պատմության ընթացքում,  Հայաստանը  պահում էր Ադրբեջանի շուրջ յոթ շրջաններ, իսկ հետո, երբ արդեն ելք չկար հարցը քաղաքական ճանապարհով լուծելու համար, Ռուսաստանը բազմաթիվ տարբերակներ առաջարկեց, որ նախկինում Հայաստանի ղեկավարությունն այնքան էլ լավ չէր ընկալել՝ ցանկանալով տիրանալ այն տարածքներին, որոնց երբեք չէր հավակնում։ Հետեւաբար, այստեղ, ի վերջո, Ադրբեջանը վերադարձրեց իրեն պատկանող հողերը»,–ասել է Լավրովը;