Ադրբեջանը եվրոպական երկրների էներգիայի մատակարարման հուսալի աղբյուր է. TAP-ի գործադիր տնօրեն

Հարավային գազային միջանցքի խորհրդատվական խորհրդի 9-րդ նախարարական հանդիպման և Կանաչ էներգիայի խորհրդատվական խորհրդի 1-ին նախարարական հանդիպման շրջանակներում Ադրբեջանի Էներգետիկայի նախարար Փարվիզ Շահբազովը հանդիպել է TAP-ի գործադիր տնօրեն Լուկա Սքայպատիի հետ։

Էներգետիկայի նախարարությունից ադրբեջանական AZERTAC-ին հայտնել են, որ ընդգծելով, որ Ադրբեջանը եվրոպական երկրների համար էներգակիրների մատակարարման հուսալի աղբյուր է, Լուկա Սքայպատին ասել է, որ Իտալիայի գազի սպառման 15 տոկոսն ապահովվում է TAP-ի միջոցով։

Հանդիպմանը վերանայվել է TAP-ի խողովակաշարի հաղորդման հզորությունը տարեկան 20 միլիարդ խորանարդ մետրի աստիճանաբար բարձրացնելու նպատակով իրականացվող շուկայական փորձարկումների առաջընթացը։ Նշվել է, որ շուկայական փորձարկման առաջին փուլի արդյունքներով 2026 թվականից հնարավոր կլինի տարեկան մատակարարել 1,2 մլրդ խմ հավելյալ գազ։ Շուկայական թեստավորման երկրորդ փուլը նախատեսված է 2023 թվականի երկրորդ կեսին։ Զրույցի ընթացքում վերանայվել են նաև ջրածնի փոխադրման հեռանկարները և «TAP AG» կոնսորցիումի գործունեությունը այս ուղղությամբ։