Վանաձորում կոտրել են Վանաձորի բանտի աշխատակցի ավտոտնակի դուռն ու վնասել նրան պատկանող Mercedes-ը

Shamshyan.com-ի հաղորդմամբ՝ երեկ՝ փետրվարի 3-ին, արտակարգ դեպք է տեղի ունեցել Լոռու մարզում։ Ժամը 09։00-ի սահմաններում Վանաձոր քաղաքի Տարոն 4 թաղամասի բնակիչ Պարգև Վ․-ն ահազանգել է ՀՀ ներքին գործերի նախարարության Ոստիկանության Լոռու մարզային վարչության Վանաձոր քաղաքի Ոստիկանության Տարոնի բաժին և հայտնել, որ փետրվարի 2-ի լույս 3-ի գիշերը անհայտ անձը կամ անձինք կախովի փականը ջարդելու եղանակով մտել են իրենց շենքի բակում գտնվող իրեն պատանող ավտոտնակ և կոտրել Mercedes մակնիշի ավտոմեքենայի առջևի աջ դռան ապակին։

Ըստ նախնական տեղեկությունների՝ գողը կամ գողերը, ոչինչ չհայտնաբերելով, հեռացել են դեպքի վայրից։ Գ․ Շամշյանի տեղեկություններով՝ Պարգև Վ․-ն ոստիկաններին ու քննիչներին հայտնել է, որ ինքն աշխատում է ՀՀ արդարադատությայն նախարարության քրեակատարողական ծառայության «Վանաձոր» քրեակատարողական հիմնարկում։