Գուրգեն Արսենյանի որդին ոչ թե հոգեբուժարանում, այլ ազատության մեջ է․ նրան տեսնողներ են եղել

NEWSPRESS.am—ն արդեն գրել էր, որ ՔՊ-ական պատգամավոր Գուրգեն Արսենյանի որդուն սառը զենք կրելու կասկածանքով, քաղաքի կենտրոնից բերման են ենթարկել։

Ավելի ուշ հայտնի դարձավ նաև, որ նա կալանավորվել է։ 

Այնուհետև պարզվեց, որ ո՛չ թե կալանավորվել է, այլ հայտնվել է հոգեբուժարանում։ Կամ ավելի ճիշտ՝ նրան «տեղավորվել էին» հոգեբուժարանում, քանի որ, բոլորին է հայտնի՝ հանցագործությունից դեպի ազատություն կարճ ճանապարհն անցնում է հոգեբուժարանի միջով։

Սկզբում մամուլը գրեց, թե հոգեբուժարանում միջադեպ է տեղի ունեցել՝ Արսենյանի որդու մասնակցությամբ։ Հետո այս աղմուկը լռեց նույնքան արագ, ինչպես բարձրացել էր։

Իսկ այսօր արդեն պարզվում է, որ Արսենյանի՝ սառը զենք կրելու կասկածանքով բերման ենթարկված ու հետո հոգեբուժարան «տեղափոխված» տղան, ազատության մեջ թրև է գալիս՝ վայելելով հոր հովանավորչությունը։

NEWSPRESS.am-ի հետ զրույցում ականատեսները փոխանցեցին, որ Արսենյանի որդուն փետրվարի 3-ի երեկոյան անձամբ են տեսել՝ Երևանի Փավստոս Բուզանդի փողոցում։

Այսինքն` կարելի է հանցագործություն անել, ընկնել հոգեբուժարան ու հետո հանգիստ թափառել քաղաքում՝ կարծես ոչինչ էլ չի եղել։

Այստեղից թերևս պարզ է դառնում, թե որտեղից է Գուրգեն Արսենյանի սերն առ Նիկոլ․․․

Հասկանում ես, թե ինչու է Արսենյանը ցիտում Նիկոլին, պաշտպանում թրքասիրական նրա թեզերն ու․․․ մի խոսքով՝ փորձում Նիկոլից ավելի նիկոլ լինել, ինչպես գրել էինք մի առիթով։

Նա պաշտպանելով Նիկոլին՝ մի անգամ արդեն ասել էր, թե արցախահայությունը կարող է ապրել ադրբեջանցիների հետ․․․

Այժմ նրա նոր տեքստի մեջ ոչինչ չի փոխվել։ Ամեն ինչ նույն համատեքստում էր, որը մոտավորապես հնչում է այսպես՝ Արցախը տանք ադրբեջանցիներին, որ Հայաստանի 3 մլն․ բնակչությանը փրկենք․․․ այսինքն, Արսենյանի կարճ տրամաբանությամբ, ստացվում է, որ Արցախում ապրող 120 հազարը հայ չե՞ն․․․

Այս ամենից հետո, իհարկե, կասկածի տակ է դրվում՝ արդյոք Արսենյանը հա՞յ է, թե՞ այլ ազգային պատկանելություն ունի։

Մյուս կողմից էլ, Արսենյանի հոխորտանքն, ըստ էության, այն թեզն է, որը տարբեր առիթներով ԱԺ ամբիոնից հնչեցրել է նրա քաղաքական «կնքահայր» Նիկոլը։ 

Վերջինս, ի դեպ, չի նեղվում, երբ իրեն իր հնչեցրած թրքամետ դիրքորոշումների համար անվանում են «թուրք»։ Նա ասել է․ «Ինձ համար թուրքը վիրավորական չէ»․․․

Ու քանի որ Նիկոլը նորմալ է համարում, որ իրեն թուրք են անվանում , ապա, ըստ էության, Գուրգեն Արսենյանը կրկնում է իրեն թուրքի հետ համեմատողի թեզերն ու պաշտպանում նրան։

Երեկ՝ փետրվարի 3-ին, նա պարզապես «փայլեց» ԱԺ ամբիոնից՝ սիրաշահելով իր տիրոջը, որպեսզի փրկի իր կաշին ու չզրկվի նրա նետած ոսկորից․․․

Արմինե Մկրտումյան