Ֆրանսիան և Իսրայելը որոշել են համատեղ հանդես գալ Իրանի դեմ

Ֆրանսիայի նախագահ Էմանուել Մակրոնը և Իսրայելի վարչապետ Բենիամին Նեթանյահուն որոշել են համատեղ հանդես գալ Իրանի դեմ: Այս մասին տեղեկացնում է  Akşam-ը։

Մակրոնը նախօրեին Ելիսեյան պալատում ընդունել է Նեթանյահուին, որը Ֆրանսիայի մայրաքաղաք Փարիզ էր եկել պաշտոնական շփումներ հաստատելու համար։

Ելիսեյան պալատի հայտարարության համաձայն՝ Մակրոնն ու Նեթանյահուն երեկ երեկոյան միասին ընթրել են և քննարկել տարածաշրջանային բազմաթիվ հարցեր, հատկապես՝ Իրանն ու Պաղեստինը։

Նեթանյահուին փոխանցելով պաղեստինյան տարածքներում տիրող իրավիճակի վերաբերյալ իր մտահոգությունները՝ Մակրոնը հիշեցրել է, որ պետք է խուսափել այնպիսի գործողություններից, որոնք կարող են խթանել բռնության պարույրը, որը հանգեցրել է պաղեստինցի և իսրայելցի խաղաղ բնակիչների միջև մարդկային զոհերի։

Հիշեցնելով Ֆրանսիայի հավատարմությունը Ալ-Աքսայի պատմական ստատուս-քվոյին՝ Մակրոնը Նեթանյահուին է փոխանցել, որ դեմ է «ապագայում պաղեստինյան պետության հնարավորությանը» և ապօրինի բնակավայրերի գործողություններին, որոնք խաթարում են տարածաշրջանում խաղաղության հույսերը:

Մակրոնն ու Նեթանյահուն քննարկել են նաև Իրանի միջուկային խնդիրը։

Ֆրանսիայի նախագահը նշել է, որ Իրանը պետք է թափանցիկ լինի իր միջուկային ծրագրում և զգուշացրել, որ հակառակ դեպքում կլինեն անխուսափելի հետևանքներ։

Ե՛վ Մակրոնը, և՛ Նեթանյահուն խիստ մտահոգություն են հայտնել տարածաշրջանում Իրանի ապակայունացնող գործունեության վերաբերյալ։

Ֆրանսիայի նախագահը հիշեցրել է, որ Իրանի աջակցությունն Ուկրաինայում ռուսական ագրեսիային, կհանգեցնի Իրանի՝ պատժամիջոցների տակ հայտնվելուն:

Նախագահները որոշել էին համատեղ աշխատել Իրանի դեմ: Ցանկություն են հայտնել խորացնել իրենց երկրների միջև ռազմավարական գործընկերությունը և ամրապնդել երկկողմ հարաբերությունները բոլոր ոլորտներում։

Մակրոնը վերահաստատել է Ֆրանսիայի անսասան հավատարմությունն Իսրայելի անվտանգությանը։

Հանդիպմանը, որում բազմաթիվ առումներով քննարկվել են Իսրայել-Ֆրանսիա հարաբերությունները, Մակրոնը Նեթանյահուին փոխանցել է Ֆրանսիայի աջակցությունը ահաբեկչության դեմ պայքարում։