Թուրքիայի ավերիչ երկրաշարժի հզորությունը համեմատելի է 500 ատոմային ռումբի պայթյունի հետ

Հետևանքների առումով Թուրքիայում տեղի ունեցած երկրաշարժը համեմատելի է 500 միջուկային ռումբի պայթյունի հետ։

Այս մասին շաբաթ օրը հայտարարել է Թուրքիայի արտակարգ իրավիճակների  վարչության պետ Օրխան Թաթարը։

«Երկրաշարժի տեւողությունը 2 րոպե է եղել, դրա ավերիչ ազդեցությունը միևնույն ժամանակ համեմատելի է 500 ատոմային ռումբի պայթյունի հետ»,- ասել է Թաթարը։

Փետրվարի 6-ի վաղ առավոտյան ցնցումներ են գրանցվել Թուրքիայի հարավում, ինչպես նաև Սիրիայի հյուսիս-արևմուտքում։ Երկրաշարժի ուժգնությունը հասել է 7,4-7,7 բալի։