ԱՄՆ-ն ազդակ է ուղարկում Ուկրաինային՝ արևմտյան օգնությունն անսահմանափակ չէ․ Newsweek

ԱՄՆ պաշտոնյաները մասնավոր կերպով ազդակ են ուղարկել Ուկրաինային, որ արևմտյան օգնությունն անսահմանափակ չէ, գրում է Newsweek-ը։

«Ներքին քննադատները, ամենայն հավանականությամբ, կսկսեն կասկածի տակ դնել Վաշինգտոնի առաջատար դերն օգնություն տրամադրելու հարցում, եթե նկատվի, որ ՆԱՏՕ-ի մայրցամաքային երկրներն անբավարար աջակցություն են ցուցաբերում կամ նույնիսկ պառակտվում են Ուկրաինայի հարցի շուրջ»,- հոդվածի հեղինակի խոսքերն է մեջբերում Լոնդոնի համալսարանի պրոֆեսոր Ռոբ Սինգհը:

Բացի այդ, ըստ Լոնդոնի Քինգս քոլեջի պրոֆեսոր Մայքլ Քլարկի, Կիևը պետք է որոշակի քայլեր ձեռնարկի, որպեսզի շարունակի աջակցություն ստանալ: 

«Ուկրաինայի ֆինանսավորումը շարունակելու պատենցիալ դժկամությունը, որ կա այժմ իրականում արտահայտությունն են այն բանի, որ Կիևը պետք է ոչ միայն շարունակի պայքարել այս տարի, այլև մարտի դաշտում իրականացնի որոշիչ շրջադարձ»,- նշել է նա։

Դա բավականին բարդ խնդիր է ուկրաինացի զինվորականների համար, եզրափակել է Քլարկը։

Ռուսաստանը բազմիցս նշել է, որ Հյուսիսատլանտյան դաշինքը միտված է առճակատման, և մտահոգություն է հայտնել Եվրոպայում դրա ուժերի կուտակման կապակցությամբ։

Մոսկվան նաև զգուշացրել է, որ արևմտյան ռազմական օգնությունն Ուկրաինային ոչ մի լավ բան չի խոստանում և միայն ձգձգում է հակամարտությունը, իսկ արտասահմանյան զենքերով տրանսպորտն օրինական թիրախ կդառնա ռուսական բանակի համար։