Թուրքիայում երկրաշարժից ավերվել ու վնասվել են նաև եկեղեցիներ

Քահրամանմարաշ, Քիլիս, Դիարբեքիր, Ադանա, Օսմանիյե, Գազիանթեփ, Շանլըուրֆա, Ադըյաման, Մալաթիա և Հաթայ նահանգներում 7,7 և 7,6 մագնիտուդ ուժգնությամբ երկրաշարժերի հետևանքով հազարավոր շենքեր են ավերվել և վնասվել: Այս մասին տեղեկացնում է թուրքական Habertürk-ը։

Աղետի գոտում գտնվող եկեղեցիները նույնպես տուժել են՝ 10 նահանգներում տեղի ունեցած երկրաշարժերի պատճառով։

Հաթայի Սամանդաղ թաղամասում մասամբ վնասվել է Վաքըֆլը թաղամասի Աստվածածին եկեղեցին: Այդ թաղամասում բնակվում են ազգությամբ թուրք քաղաքացիներ։

Ըստ Անադոլու գործակալության՝ Մովսեսի ծառը, որը 1981 թվականին գրանցված է որպես մոնումենտալ ծառ, և ենթադրվում է, որ աճել է Մարգարեի կողմից տարածաշրջանում գետնին տնկած գավազանի կանաչապատման արդյունքում, ոչ մի վնաս չի կրել։

Անթաքիայի բողոքական եկեղեցին, որը Հաթայում ֆրանսիական ժամանակաշրջանում օգտագործվել է որպես դեսպանատուն և Ֆրանսիական բանկ, բողոքական եկեղեցի է ճանաչվել 2000 թվականին։ Եկեղեցին ավերվել է փետրվարի 6-ի երկրաշարժից։

Անթաքիայի հունական ուղղափառ եկեղեցին ևս մեկ եկեղեցի է, որը չդիմացավ երկրաշարժին և ավերվեց, որի միայն դուռն ու մեկ պատը դեռ կանգուն է։ Եկեղեցին, որի կառուցումը սկսվել էր 1830-ական թվականներին, 1872-ի երկրաշարժից խիստ տուժել է, ապա քանդվել։