Ինչու տապալվեց պարեկային ծառայությունը. Նարեկ Մալյանի դիտարկումները

Հասարակական գործիչ, նախկին ոստիկանապետի խորհրդական Նարեկ Մալյանը ֆեյսբուքյան իր էջում գրել է․ 

«Ինչու տապալվեց պարեկային ծառայությունը.

Առաջին հերթին, այն պատճառով, որ պարեկային ծառայության ինքնահռչակ հիմնադիրի մոտիվացիան այդ աժիոտաժի ընթացքում հնարավորինս շատ փող քերելն էր: Ինչպես արդեն գիտեք, աշխարհի ամենակոռումպացված մարդիկ դրանք «քաղհասարակություն» ներկայացող գրանտամոլներն են: Այս կատեգորիայի մարդկանց կյանքի գլխավոր նպատակը բոլոր հնարավոր միջոցներով տարբեր միջազգային ծրագրերի շրջանակներում փող քերելն է: Իմ հաջորդ գրքում ավելի մանրամասն ներկայացրել եմ լիբերալ ֆաշիստական գործակալական ցանցի կոռումպացվածության տարբեր օրինակներ: Այդ մարդիկ թղթի վրա սեմինարներ են կազմակերպում հիմնականում մարզային հյուրանոցների հետ ատկատի կոռուպցիոն սխեմաներով: Անհնար էր կայացնել աշխատունակ կառույց, եթե այդ կառույցի ստեղծման ակունքներում կանգնած են ուղնուծուծով կոռումպացված սուբյեկտները:

ԱՄՆ հարկատուների փողերից տասնյակ միլիոնավոր դոլարներ փոշիացվեցին այս ավանտյուրայի ընթացքում: Ինչ խոսք, բավական մեծ փողեր էին պտտվում, իսկ որտեղ մեծ փողեր են պտտվում, այնտեղ պտտվում են ձեզ հայտնի գրանտամոլ պերսոնաժները:

Հաջորդ պատճառը դիլետանտությունն էր: Մինչև պարեկների ներդրումը, 2016 թվականից սկսած ոստիկանական համակարգն իր թերություններով հանդերձ այնպիսին էր, որ քաղաքացու հետ շփվող բոլոր ճանապարհային ոստիկանները պարտադիր բարձրագույն կրթություն ունեին և սպա էին: Ի տարբերություն պարեկների, որոնց սակավության պատճառով ոստիկանի համազգեստ հագցրեցին ում ասես: Այսինքն բարձրագույն կրթությամբ սպաներին փոխարինեցին դպրոցը մի կերպ ավարտածներով և անունը դրեցին բարեփոխում:

«նեդաբոռ».
Երևան քաղաքում պարեկներին աշխատանքով ապահովելու համար ըստ էության վերացրեցին 3 կայացած ծառայություն, որտեղ աշխատում էին մոտ 2000 ոստիկան: Ստացվեց այնպես, որ 2000 ոստիկանի աշխատանքն իրականացնելու համար անհրաժեշտ էր ունենալ մինիմում գոնե 700 պարեկ, սակայն դիմողների թիվը 600-ի կարգի էր և այսպես կոչված քաղհասարակությունը կանգնած էր անլուծելի խնդրի առաջ` ամեն գնով ավարտացնել բոլոր դիմորդներին, նույնիսկ ամենադեբիլներին, այլապես պարեկային ծառայությունը չսկսված կավարտվեր:

Ի դեպ, հընթացս պարեկների թիվը գնալով պակասեց: Ծառայության առաջին ամիսների ընթացքում մարդիկ հասկացան, որ իրենց այդ փողերի լվացքի գործում վերապահված է ծաղրածուի դեր և հեռացան պարեկային ծառայությունից:

Լայն գովազդված կին պարեկներից համարյա արդեն որևէ մեկը չի ծառայում:

Անգրագիտությունը.

Երևի կծիծաղեք, բայց այսօր ճանապարհային կարգավորումներ անող պարեկների մեծ մասը համակարգ ընդունվելուց նույնիսկ վարորդական իրավունք չուներ, իսկ շատերը նույնիսկ մեքենա վարել չգիտեր: Այդ էր պատճառը, որ պարեկների մասնակցությամբ քաղաքացիներին մահացու վրաերթների դեպքեր էին արձանագրվում: Ի դեպ, այդ վրաերթ արած պարեկներին կոռումպացված գրանտամոլները արդարացնում էին տարբեր անհեթեթ արդարացումներով: Դե վախենում էին, որ հանկարծ փողից կկտրվեին: Քաղհասարակության հրահանգով նորաթուխ պարեկներին ուսումնական մի քանի ամիսը ավարտելուն պես «նվիրաբերեցին» վարորդական իրավունքներ և բաց թողեցին ժողովրդի վրա: Ի դեպ, վարչապետին և նրա ընտանիքի անդամներին ուղեկցում են ոչ թե պարեկները, այլ հին, բարի և պրոֆեսիոնալ ոստիկանները: Պարեկները հասարակ ժողովրդի համար էին նախատեսված:

Պաթոսը.

Եթե ուշադիր նայեք, ապա կտեսնեք, որ բացարձակ տարբերություն չկա Hummer-ով մայթերին քշող վարորդի և նրան իբր հետապնդող պարեկի միջև: Երկուսն էլ պոնտերի մեջ են: Մեկը հանուն պոնտերի մեքենան վարում է մայթերով, ձևանալով լուրջ հանցագործ, մյուսը սուպերմենի պոնտերով ձևանում է ոստիկան: Այդ կոմեդիա ժանրի ֆիլմը չէր լինի առանց ամենակոմիկ պերսոնաժի` պարեկի: Պոնտերը պարեկների կյանքում մեծ դեր են խաղում: Պոնտեր, որոնք արժենում են մարդկային կյանքեր: Պոնտեր, որոնք դանիկի նմաններին ապահովում էին կայուն եկամտով:

Ի դեպ հիշեցնեմ, որ վերջերս բացահայտվել էր դեպք, երբ մի խումբ պարեկներ կաշառք էին վերցրել շոր-կոշիկով: Դե ինչ պետք է սովորեին դանիկից»։